පන්දු යවන්නන්ගේ දක්ෂතා හා අවිශ්ක ප්රනාන්දුගේ විශිෂ්ඨ ඉනිම හමුවේ ලංකා ප්රිමියර් ලීග් ක්රිකට් තරගාවලියේ 14 වැනි තරගයෙන් (Galle Titans) ගෝල් ටයිටන්ස් කණ්ඩායම පරදා කඩුලු 7 ක ජයක් වාර්තා කිරීමට (Dambulla Aura) දඹුල්ල අවුරා කණ්ඩායම අද (11) සමත් වුණා.
තරගය ජය ගැනීම සදහා ලකුණු 134 ක ඉලක්කයක් හඹා ගිය Dambulla Aura කණ්ඩායම තරගය ජයග්රහනය කළේ ඉනිම නිමා වීමට පන්දු 14ක් ඉතිරිව තිබියදී කඩුලු 3 ක් දැවී සිටියදීයි.
අවිශ්ක ප්රනාන්දු පන්දු 49 කින් නොදැවී ලකුණු 70 ක් වාර්තා කරමින් සිය කණ්ඩායම ජයග්රහනය කරා රැගෙන ගියා. හයේ පහර 3ක් හා හතරේ පහර 3ක් ඔහුගේ ඉනිමට ඇතුළත්.
කුසල් මෙන්ඩිස් ලකුණු 18කටත්, සධීර සමරවික්රම ලකුණු 25 කටත් දැවී ගියා. කුසල් පෙරේරා ලකුණු 5යි. ධනංජය ද සිල්වා නොදැවී ලකුණු 6 ක් ලබා ගත්තා.
පන්දු යැවීමේ දී ලහිරු කුමාර කඩුලු 2 ක් හා ශකිබ් අල් හසාන් එක් කඩුල්ලක් බිද හෙලුවා.
කොළඹ ආර්. ප්රේමදාස ක්රීඩාංගනයේ පැවැති තරගයේ කාසියේ වාසිය දිනූ Dambulla Aura පිලේ ආරාධනයෙන් පළමුවෙන් පන්දුවට පහරදුන් Galle Titans කණ්ඩායම නියමිත පන්දුවාර 20 අවසානයේ ලකුණු 133 ක් රැස් කළේ කඩුලු 9 ක් දැවී සිටියදීයි. දසුන් ශානක පන්දු 26කින් ලකුණු 36ක්, චැඩ් බවුස් ලකුණු 22 ක් හා ටිම් සයිෆර්ඩ් ලකුණු 15 ක් රැස් කළා.
ශකිබ් අල් හසාන් ලකුණු 13 යි. සොහාන් ද ලිවේරා ලකුණු 12 කට දැවී ගියා. පන්දු යැවීමේ දී දුෂාන් හේමන්ත කඩුලු 2 ක් බිද හෙලූ අතර, බිනුර ප්රනාන්දු, හසන් අලී, ධනංජය ද සිල්වා, හෙයිඩන් කර් හා නූර් අහ්මඩ් අතරේ කඩුල්ල බැගින් බෙදී ගියා.
මෙම ජයත් සමග මෙතෙක් ප්රසාද ලකුණු සටහනේ දෙවැනි ස්ථානයේ පසු වූ Dambulla Aura පිල පළමු ස්ථානය දක්වා ඉදිරියට පැමිණීමට ද සමත් වුණා.
තරඟයේ වීරයා බවට පත්වුයේ අවිශ්ක ප්රනාන්දු
යාපනයේ පෙරියවිලාන් ප්රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්රේණිය ශිෂ්යත්ව විභාගයේ ප්රශ්න පත්රය වට්ස්ඇප් මාධ්ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්රව්ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්රදේශයේ විහාරස්ථානයක වැඩවාසය කරනු ලබන…