වසර දෙකකට පසු කුසල් ජනිත් පෙරේරා ශ්‍රී ලංකා එක්දින සංචිතයට කැඳවා තිබේ. ඒ එළැඹෙන ආසියානු කුසලාන තරගාවලිය සඳහාය.
අගෝස්තු 30 වනදා පාකිස්තානයේ සහ ශ්‍රී ලංකාවේ සත්කාරකත්වයෙන් ආරම්භ වන ආසියානු කුසලාන ක්‍රිකට් තරගාවලියේදී ශ්‍රී ලංකාව බී කාණ්ඩයෙන් තරග වදින අතර එම කාණ්ඩයට බංග්ලාදේශය සහ ඇෆ්ගනිස්තානය ද ඇතුළත් ය.
ඒ සඳහා දසුන් ශානකගේ නායකත්වයෙන් යුත් 15 දෙනෙකුගෙන් සමන්විත සංචිතයක් නම් කර ඇති අතර එය මේ වන විට ක්‍රීඩා අමාත්‍යවරයාගේ අනුමැතිය සඳහා යොමුකර තිබේ.
වසර දෙකකට පසු කුසල් ජනිත් පෙරේරා ශ්‍රී ලංකා එක්දින සංචිතයට කැඳවා ඇති අතර දුනිත් වෙල්ලාලගේද එම සංචිතයට ඇතුළත්ය.
ආසියානු කුසලාන තරගාවලිය සඳහා නම් කර ඇති ශ්‍රී ලංකා සංචිතය මෙසේය.
- නායක – දසුන් ශානක
- පැතුම් නිස්සංක
- දිමුත් කරුණාරත්න
- කුසල් ජනිත්
- කුසල් මෙන්ඩිස්
- චරිත් අසලංක
- සදීර සමරවික්‍රම
- ධනංජය ද සිල්වා
- වනිඳු හසරංග
- දුනිත් වෙල්ලාලගේ
- මහීෂ් තීක්ෂණ
- ලහිරු කුමාර
- දුෂ්මන්ත චමීර
- ඩිල්ෂාන් මධුසංඛ සහ
- මතීෂ පතිරණ
මීට අමතරව අතිරේක ක්‍රීඩකයින් ලෙස කසුන් රාජිත, දුෂාන් හේමන්ත, අවිශ්ක ප්‍රනාන්දු, චාමික කරුණාරත්න සහ සහන් ආරච්චිගේ නම් කර තිබේ.
ආසියානු කුසලානයේ ශ්‍රී ලංකාව සහභාගිවන පළමු තරගය බංග්ලාදේශයට එරෙහිව අගෝස්තු මස 31 වනදා පල්ලේකැලේදී පැවැත්විමට නියමිතය.