වනිඳු හසරංග පන්දු යැවීමෙන් හා පිතිකරණයෙන් දැක් වූ දක්ෂතා හමුවේ මෙවර ලංකා ප්රිමියර් ලීග් ක්රිකට් තරගාවලියේ 9 වැනි තරගයෙන් ප්රසාද ලකුණු සටහනේ පෙරමුණේ පසු වූ ජැෆ්නා කිංග්ස් කණ්ඩායම පරදා කඩුලු 8 ක ජයක් වාර්තා කිරීමට (B-Love Kandy) බී-ලව් කැන්ඩි කණ්ඩායම අද (5) සමත් වුණා.
මෙම පරාජයත් සමග ජැෆ්නා කිංග්ස් කණ්ඩායමට පළමු ස්ථානය අහිමි වූ අතර, අවසන් ස්ථානයේ පසු වූ බී-ලව් කැන්ඩි කණ්ඩායම සිව්වැනි ස්ථානය දක්වා ඉදිරියට පැමිණීමට ද සමත් වුණා. කිංග්ස් කණ්ඩායමට මේ වන විට හිමිව ඇත්තේ තෙවැනි ස්ථානයයි.
ඒ අනුව මේ වන විට ප්රසාද ලකුණු සටහනේ පෙරමුණේ පසුවන්නේ ගෝල් ටයිටන්ස් කණ්ඩායමයි.
මහනුවර පල්ලේකැලේ ක්රීඩාංගනයේ පැවැති තරගයේ කාසියේ වාසිය දිනූ කැන්ඩි කණ්ඩායමේ ආරාධනයෙන් පන්දුවට පහර දීමට පිටියට පිවිසි කිංග්ස් කණ්ඩායමට පන්දුවාර 20 අවසානයේ දී කඩුලු 9ක් දැවී ලබා ගත හැකි වූයේ ලකුණු 117 ක් පමණයි.
ඉනිමේ වැඩිම ලකුණුලාභියා වූ දුනිත් වෙල්ලාලගේ පන්දු 27 කින් නොදැවී ලකුණු 38 ක් ලබා ගත්තා. ඔහුගේ ඉනිමට හයේ පහරක් හා හතරේ පහර 6ක් ඇතුළත්. ප්රියමාල් පෙරේරා ලකුණු 22 ක්, ඩේවිඩ් මිලර් ලකුණු 21 ක් හා තව්හිද් හ්රිදෝයි ලකුණු 19 ක් රැස් කළා.
ආරම්භක පිතිකරුවන් වූ රහ්මනුල්ලාහ් ගුර්බාස් ලකුණු නොලබා සිටියදීත්, චරිත් අසලංක ලකුණු 5කටත් දවා ගැනීමට ඇන්ජෙලෝ මැතිව්ස් සමත් වුණා. නායක තිසර පෙරේරා මෙම තරගයේ දී රැස් කළේ ලකුණු 2ක් පමණයි. පන්දු යැවීමේ දී වනිඳු හසරංග ලකුණු 9කට කඩුලු 3 ක් ද, නුවන් ප්රදීප් ලකුණු 36 කට කඩුලු 3 ක් ද බිද හෙලුවා.
පිළිතුරු ඉනිම ක්රීඩා කළ බී-ලව් කැන්ඩි කණ්ඩායම පන්දුවාර 13 ක් අවසානයේ කඩුලු 2 ක් දැවී ජයග්රාහී ඉලක්කය පහසුවෙන් පසු කර ගියා.
දිනේෂ් චන්දිමාල් පන්දු 16කින් ලකුණු 22කට දැවී ගිය අතර, ෆකාර් සමාන් පන්දු 39කින් ලකුණු 42යි. සමාන්ගේ ඉනිමට හයේ පහර 2ක් හා හතරේ පහර 2ක් ඇතුළත්.
සුපිරි ඉනිමක් ක්රීඩා කළ වනිඳු හසරංග පන්දු 22 කින් වේගවත් ලකුණු 52 ක් නොදැවී වාර්තා කළා. හයේ පහර 3ක් හා හතරේ පහර 5ක් ඔහුගේ ඉනිම වර්ණවත් කළා.
තරගයේ වීරයා බවට පත්වුයේ තුන් ඉරියව්වෙන් දස්කම් දැක්වූ වනිඳු හසරංග
යාපනයේ පෙරියවිලාන් ප්රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්රේණිය ශිෂ්යත්ව විභාගයේ ප්රශ්න පත්රය වට්ස්ඇප් මාධ්ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්රව්ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්රදේශයේ විහාරස්ථානයක වැඩවාසය කරනු ලබන…