ලිට්‍රෝ ගෑස් මිලෙහි සංශෝධනයක් සිදුනොවන බව එම සමාගමේ සභාපති මුදිත පීරිස් පවසයි.
අද (අගෝ. 4) පෙරවරුවේ පැවති මාධ්‍ය හමුවකට එක්වෙමින් ඔහු මේ බව පැවසීය.
ලෝක වෙළෙඳපොළේ ගෑස් මිල ඉහළ ගිය ද මෙරට ගෑස් මිල වැඩි නොකිරීමට තීරණය කළ බව ත්, එමගින් සමාගමට කිසිදු අලාභයක් සිදු නොවන බව ත් ඔහු පෙන්වා දුන්නේ ය.
කෙසේ වෙතත්, ඔහු ඊයේ සඳහන් කළේ, අද දිනයේ ගෑස් මිල සංශෝධනයක් සිදු කරන බව ය.
ලෝක වෙළෙඳපොළ තුළ ගෑස් මෙට්‍රික්ටොන් 1ක මිල අමරිකානු ඩොලර් 85කින් ඉහළ ගොස් ඇති බව ද ඔහු පැවසීය.
ලිට්‍රෝ ගෑස් සමාගම අවසන් වරට කළ මිල සංශෝධනයේදී කිලෝග්‍රෑම් 12.5ක ගෘහස්ථ ගෑස් සිලින්ඩරයක මිල රු. 204කින් පහළ දමා දැමූ අතර එහි එය මේ වන විට වෙළෙඳපොළේ රු. 2,982ක මිලකට අලෙවි වෙයි.