ප්රමාණවත් බුද්ධි තොරතුරු ලැබී තිබියදීත් පාස්කු ඉරුදින එල්ල වූ මරාගෙන මැරෙන ත්රස්ත ප්රහාර වලක්වා ගැනීමට කටයුතු නොකිරීම තුළින් හිටපු පොලිස්පති පූජිත් ජයසුන්දර සාපරාධි ලෙස රාජකාරිය පැහැර හැරීමක් සිදු කර ඇතැයි නීතිපතිවරයා අද ශ්රේෂ්ඨාධිකරණය හමුවේ ප්රකාශ කළේය.
අදාළ චෝදනාවලින් පූජිත් ජයසුන්දර නිදොස් කොට නිදහස් කරමින් කොළඹ ත්රිපුද්ගල මහාධිකරණ විනිසුරු මඩුල්ල දුන් තීන්දුව බල රහිත කිරීමේ නියෝගයක් නිකුත් කරන ලෙස ඉල්ලා නීතිපතිවරයා විසින් ඉදිරිපත් කර තිබූ අභියාචන පෙත්සම අද යළි විභාගයට ගත් අවස්ථාවේදීයි නීතිපතිවරයා වෙනුවෙන් පෙනී සිටි අතිරේක සොලිසිටර් ජෙනරාල් ප්රියන්ත නවාන මෙම කරුණු ඉදිරිපත් කළේ.
ප්රීති පද්මන් සූරසේන, යසන්ත කෝදාගොඩ, කුමුදුනී වික්රමසිංහ, මහින්ද සමයවර්ධන, අර්ජුන ඔබේසේකර යන මහත්ම මහත්මීන්ගෙන් සමන්විත පංච පුද්ගල ශ්රේෂ්ඨාධිකරණ විනිසුරු මඩුල්ල හමුවේ මෙම අභියාචන විභාගය පැවැත්වෙනවා.
කොළඹ මහාධිකරණය හමුවේ ගොනු කර තිබූ නඩුවෙන් හිටපු ආරක්ෂක ලේකම් හේමසිරි ප්රනාන්දු සහ හිටපු පොලිස්පති පූජිත් ජයසුන්දර යන මහත්වරු නිදොස් කොට නිදහස් කරමින් මහාධිකරණ දුන් නඩු තීන්දුව දෝෂ සහිත බව අතිරේක සොලිසිටර් ජෙනරාල්වරයා කියා සිටියා.
සහරාන් හෂීම් සහ ඔහුගේ අනුගාමිකයන් විසින් ප්රහාරයක් එල්ල කිරීමට සූදානම් වන බවට රාජ්ය බුද්ධි සේවයට තොරතුරු ලැබී තිබූ බවත් එම කණ්ඩායම විසින් දීර්ඝ කාලයක් තිස්සේ සිදු කරමින් සිටි නීති විරෝධී කටයුතු සම්බන්ධයෙන් ද තොරතුරු රැසක් ලැබූ ලැබී තිබූ බවත් සඳහන් කළ අතිරේක සොලිසිටර් ජෙනරාල්වරයා කියාසිටියේ එසේ ලැබුණු තොරතුරු මත ක්රියාත්මක වූයේ නම් මෙම පාස්කු දින ත්රස්ත ප්රහාරය වලක්වා ගැනීමට හැකියාව තිබූ බවයි.
එසේ නොකිරීම තුළින් හිටපු පොලිස්පතිවරයා රාජකාරිය පැහැර පැහැර හැරීමක් සිදු කර ඇති බවත් ඔහු කියා සිටියා. මෙම ප්රහාරය සිදු කිරීම සඳහා පැමිණෙන පුද්ගලයින්ගේ නම් පවා අනාවරණය වී තිබියදී එය වළක්වා ගැනීමට පියවර නොගැනීම මෙම බෝම්බ ප්රහාර මාලාව සිදු කිරීමට පිටුවහලක් සහ පහසුවක් වූ බවයි ජ්යෙෂ්ඨ අතිරේක සොලිස්ටර් ජනරාල් ප්රියන්ත නාවාන වැඩිදුරටත් සඳහන් කළේ.
2024 සැප්තැම්බර් මස 08 වන ඉරිදා දින කාලගුණ වාර්තාව මෙලෙස සයහන්ව තිබුණා. බස්නාහිර, සබරගමුව සහ…
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…
ඉතිහාසයේ පළමු වරට ශ්රී ලංකා රේගු දෙපාර්තමේන්තුව 2024 වසරේ මේ දක්වා රුපියල් ට්රිලියනයක රේගු ආදායමක්…
යුරෝපා නේෂන්ස් කුසලාන පාපන්දු තරගාවලියේ ක්රොඒෂියාව සමඟ පැවැති තරගයේදී රොනාල්ඩෝ රැස්කළ සුපිරි ගෝලයත් සමග පාපන්දු…