සාමාන්‍ය පෙළ විභාගයේ ප්‍රායෝගික පරීක්ෂණ අනිද්දා (02 වැනිදා) සිට ලබන 12 වැනිදා දක්වා පැවැත්වීමට විභාග දෙපාර්තමේන්තුව සැලසුම් කර තිබේ.
සංගීත විෂයයෙහි ශ්‍රවණ පරීක්ෂණය ලබන 6 වැනිදා පැවැත්වෙන බව එම දෙපාර්තමේන්තුව නිවේදනය කරයි. පාසල් අයැදුම්කරුවන්ගේ ප්‍රවේශ පත්‍ර විදුහල්පතිවරුන් වෙත ද පෞද්ගලික අයදුම්කරුවන්ගේ ප්‍රවේශ පත්‍ර ඔවුන්ගේ පෞද්ගලික ලිපිනයන්ට ද තැපැල් කර තිබෙන බවත් එම නිවේදනයේ සඳහන් වෙයි.
මේ සම්බන්ධයෙන් යම් විමසීමක් අවශ්‍ය වන්නේ නම් 1911, 0112784208, 0112786616 යන දුරකථන අංකවලට අමතන ලෙස ඉල්ලීමක් කෙරේ.