ඉන්දියාවේ කර්නාටක ප්‍රාන්තයේ, පුද්ගලික විඩීයෝවක් සමාජ මාධ්‍යවල හුවමාරු වීම හේතුවෙන් සරසවි සිසුවෙක් සහ සිසුවියක් සියදිවි හානි කර ගෙන තිබෙනවා.
පුද්ගලික විශ්වවිද්‍යාලයක් වන දාවනගෙරේ හී ඉගෙනුම ලැබූ සිසුන් දෙපළක් මෙලෙස සියදිවි නසා ගෙන ඇත්තේ.
අදාළ විශ්වවිද්‍යාලයේ මෙම සිසුවා හා සිසුවිය සමීපව සිටින අවස්ථාවකදී කිසියම් පුද්ගලයෙක් විසින් එය රහසේ වීඩියෝ කර තිබෙනවා.
අනතුරුව එම වීඩීයෝව පසුගිය දා සමාජ මාධ්‍ය වෙත මුදා හැර ඇති බවයි ඉන්දීය මාධ්‍ය වාර්තා කරන්නේ.
මේ හේතුවෙන් ඇති වූ සිත්තැවුලක් මත පසුගිය සිකුරාදා දිනයේ සිසුවිය සියදිවි හානි කරගෙන ඇති අතර එම පුවත ආරංච්විමෙන් පසුව සිසුවාද සියදිවි හානි කරගෙන තිබෙනවා.
අදාළ සිදුවීම සම්බන්ධයෙන් සිසුවාගේ සහ සිසුවියගේ මව්පියන්ගෙන් පොලිසිය වෙත වෙන් වෙන් වශයෙන් පැමිණිලි කර ඇති අතර මෙම විඩීයෝව සමාජ මාධ්‍ය වෙත මුදාහැරි පුද්ගලයා සොයා විමර්ශන ආරම්භ කර තිබෙන බවයි ඉන්දීය මාධ්‍ය වාර්තා කරන්නේ.