ජාතික විගණකාධිපති දෙපාර්තමේන්තුවේ විදුලි පරිපථවල සවිකර තිබූ රුපියල් ලක්ෂ 21 කට අධික වටිනාකමකින් යුතු විදුලි කම්බි කපා සොරකම් කළ සැකකරුවන් දෙදෙනෙකු වැලිකඩ ඇතුල්කෝට්ටේ ප්‍රදේශයේ දී අත්අඩංගුවට ගෙන තිබෙනවා.
ඒ, අපරාධ නිවාරණ මෙහෙයුම් රාජකාරියේ යෙදී සිටි බස්නාහිර පළාත දකුණ අපරාධ කොට්ඨාසයේ නිලධාරීන් කණ්ඩායමක් විසින්.
සැකකරුවන්ගෙන් අනාවරණ වූ තොරතුරු මත ඔවුන් විසින් සොරකම් කරන ලද විදුලි කම්බි තොගයෙන් කොටසක් සහ ඇතුළත කොටස් ඉවත් කරන ලද කම්බි කැබලි කිහිපයක් සොයාගෙන තිබෙනවා.
අත්අඩංගුවට ගත් සැකකරුවන් අවුරුදු 19 සහ 20 යන වයස්වල පසුවන, ඇතුල්කෝට්ටේ ප්‍රදේශයේ පදිංචිකරුවන්.
සැකකරුවන් තලංගම පොලිසිය වෙත භාර දී ඇති අතර, ඔවුන්ව අද කඩුවෙල මහේස්ත්‍රාත් අධිකරණය වෙත ඉදිරිපත් කිරීමට නියමිතයි.