අන්තර් විශ්වවිද්‍යාල ශිෂ්‍ය බලමණ්ඩලයේ හිටපු කැඳවුම්කරු වසන්ත මුදලිගේ අද (27) පොලිසියෙන් අත්අඩංගුවට ගැනීම සම්පූර්ණයෙන් ම පැහැරගැනීමක් බව අන්තර් විශ්වවිද්‍යාල ශිෂ්‍ය බලමණ්ඩලය අවධාරණය කර සිටිනවා.
එහි වත්මන් කැඳවුම්කරු මධුෂාන් චන්ද්‍රජිත් පවසන්නේ, නිකුත් කළ වරෙන්තුවකට අදාළ ව වසන්ත මුදලිගේ අත්අඩංගුවට ගත් බව පොලිසියෙන් පැවසුවද, එවැනි වරෙන්තුවක් ඔහුට නොමැති බවයි.
මෙම අත්අඩංගුවට ගැනීමට හේතු වී ඇත්තේ රුහුණු විශ්වවිද්‍යාලයේ පන්ති තහනම් ඉවත් කරන ලෙස බලකරමින් විශ්වවිද්‍යාල ප්‍රතිපාදන කොමිෂන් සභාව ඉදිරිපිට පැවැත්වූ විරෝධතාවකට අදාළ නඩුවක් බවත්, එම නඩුවට අවසාන දිනයේදී වසන්ත මුදලිගේ සහභාගී වී ඇති අතර, එදින නඩුවාරයට නඩුවට අදාළ වෙනත් විශ්වවිද්‍යාල සිසුන් දෙදෙනෙකු සහභාගී වී නැති බවත්, එම සිසුන් දෙදෙනාට එරෙහිව අධිකරණයෙන් වරෙන්තු නිකුත් කර තිබියදී, එකී වරද මොහු මත පටවා මෙම අත්අඩංගුවට ගැනීම සිදුකළ බවයි, මදුෂාන් චන්ද්‍රජිත් පවසන්නෙ.
එම නිසා මෙය අසත්‍ය කරුණු ඉදිරිපත් කරමින් කරන ලද පැහැරගැනීමක් බව අන්තර් විශ්වවිද්‍යාල ශිෂ්‍ය බල මණ්ඩලයේ කැඳවුම්කරු අවධාරණය කරනවා.
අප කළ විමසීමකදී පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නිහාල් තල්දූව පැවසුවේ, තමන් ඒ සම්බන්ධයෙන් දැනුවත් ව නැති බවයි. එම නිසා වසන්ත මුදලිගේ අත්අඩංගුවට ගනු ලැබූ කොළඹ – කුරුඳුවත්ත පොලිසියෙන් විමසීමක් නොකොට, ඒ පිළිබඳව ප්‍රකාශයක් කළ නොහැකි බව මාධ්‍ය ප්‍රකාශකවරයා සඳහන් කළා.
කෙසේ වෙතත් මේ සම්බන්ධයෙන් කළ විමසීමකදී කුරුඳුවත්ත පොලිසියේ ඉහළ නිලධාරියෙක් පැවසුවේ වසන්ත මුදලිගේ අත්අඩංගුවට ගෙන ඇත්තේ ඇප කොන්දේසි උල්ලංඝණය කිරීම නිසා යනුවෙන් තමන් දැනුවත් බවයි.
එහෙත් ඔහු අත්අඩංගුවට ගත් පොලිස් නිලධාරීන් එවැන්නක් සම්බන්ධයෙන් කිසිදු සඳහනක් කර නැති බවත්, අත්අඩංගුවට ගැනීමට හේතුව ලෙස ඔවුන් සඳහන් කර ඇත්තේ වරෙන්තුවක් මත යන්න බවත් වීම ගැටලු සහගත බවයි, අන්තර් විශ්වවිද්‍යාල බලමණ්ඩලය වැඩිදුරටත් පවසන්නෙ.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්‍රදේශවල…
අධ්‍යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්‍රේණිය ශිෂ්‍යත්ව විභාග සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්‍රී ලංකා කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන පළමු…
පොළොන්නරුව බකමූණ ප්‍රදේශයේ ප්‍රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්‍ය වූ එහි සේවක සේවිකාවන්…
හිටපු සෞඛ්‍ය අමාත්‍යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…