අස්වැසුම ප්‍රතිලාභ හිමිකම්ලාභීන්ට එම ප්‍රතිලාභ ලබා ගැනීම සඳහා ගිණුම් විවෘත කිරීම සඳහා වන අයදුම්පත භාරදීම සඳහා ඇල්ල ප්‍රාදේශීය ලේකම් කාර්යාල භූමියේ පෝලිමක රැඳී සිටි පුද්ගලයෙකු ජීවිතක්ෂයට පත්ව තිබෙනවා.
අද උදෑසන සිට මෙම පුද්ගලයා පෝලිමේ රැඳී සිට ඇති අතර, එහිදී එක්වරම බිම ඇද වැටී ඔහු මියගොස් ඇති බවයි පොලිසිය කියා සිටියේ.
මෙලෙස ජීවිතක්ෂයට පත්ව ඇත්තේ නමුණුකුල වතුයායේ පදිංචි 77 හැවිරිදි පුද්ගලයෙක්.
කාර්යාලයීය කටයුතු ආරම්භ වීමටත් ප්‍රථම පැමිණ පෝලිමක රැඳී සිටි පුද්ගලයෙකු මෙලෙස මියගොස් ඇති බවයි ඇල්ල පොලිසිය තවදුරටත් කියා සිටියේ.