හිටපු ජනාධිපතිවරුන්ගේ වරප්‍රසාද සීමා කිරීමට රජය තීරණය කර තිබෙනවා.
ඒ අනුව ජනාධිපති වරප්‍රසාද පනතින් පරිබාහිරව ලබා දී ඇති වරප්‍රසාද කපා හැරෙනු ඇති.
හිටපු ජනාධිපතිවරයෙකුට විශ්‍රාම වැටුප, නිවසක්, වාහන තුනක් ඒ සඳහා ඉන්ධන සහ පෞද්ගලික ලේකම් වරයෙක් සඳහා වන වෙිතන පමණක් හිමි වනවා.
පසුගිය කාලයේ දී හිටපු ජනාධිපතිවරුන්ගේ වරප්‍රසාද යටතට ජල බිල්පත්,විදුලි බිල්පත් ගෙවීම් ඇතුළු බොහොමයක් වරප්‍රසාද ඇතුළත් කර තිබූ බව සඳහන්.
කෙසේ වෙතත් මේ සම්බන්ධයෙන් ප්‍රශ්න කරමින් ශ්‍රේෂ්ඨාධිකරණයේ විභාග වූ නඩුවක තීන්දුවකින් ද ජනාධිපති වරප්‍රසාද පනත අනුව කටයුතු කරන ලෙස උපදෙස් ලැබී ඇති බවයි වාර්තා වන්නේ.
ඒ අනුව මින් ඉදිරියට හිටපු ජනාධිපතිවරුන්ට වරප්‍රසාද ලබා දීමේදී ජනාධිපති වරප්‍රසාද පනතින් පරිබාහිරව ලබාදී ඇති දෑ කපා හැරීමට සිදු වනු ඇති.