ශ්‍රී ලංකාවේ ඉපැරණි විහාර බිතුසිතුවම් ඩිජිටල්කරණය කොට සංරක්ෂණය කිරීමේ ව්‍යපෘතියක් අද (26) අමාත්‍ය විදුර වික්‍රමනායකගේ ප්‍රධානත්වයෙන් ආරම්භ කෙරුණි.
මේ යටතේ ලංකාවේ පුරාවිද්‍යා දෙපාර්තමේන්තුවේ ලියාපදිංචි වී ඇති පැරණි බිතුසිතුවම් අඩංගු විහාරස්ථාන 874ක් වීඩියෝගත කර සහ ඡායාරූප රැගෙන දඹුල්ල බිතුසිතුවම් සංරක්ෂණ හා පර්යේෂණ මධ්‍යස්ථානයේ තැන්පත් කරන බව බුද්ධශාසන, ආගමික හා සංස්කෘතික කටයුතු අමාත්‍යංශය සදහන් කරයි.
මෙහි ආරම්භක වැඩසටහන කිරිබත්ගොඩ සුදර්ශනාරාමයේදී සිදු වේ.
බිතුසිතුවම් ඩිජිටල්කරණය කිරීමේ වැඩපිළිවෙල අනුව බිතුසිතුවම් සංරක්ෂණය සදහා මැදිහත් වීමේ ප්‍රමුඛතා ලේඛණයක් සැකසීම සිදු වේ.
සංරක්ෂණ කටයුතුවල දී අවශ්‍ය දත්ත ලබා ගැනීම, මෙම ඓතිහාසික සිතුවම් ක්‍රමිකව හායනය වන බැවින් අනාගත පරපුරට දැක ගැනීමට හැකිවීම, පර්යේෂකයන් හා විද්වතුන්ගේ පර්යේෂණ කටයුතු සදහා අරමුණු කර ගනිමින් මෙම ව්‍යාපෘතිය දියත් කරන බව අමාත්‍යංශය සදහන් කරයි.
මෙම ලේඛන මධ්‍යම සංස්කෘතික අරමුදලේ දඹුල්ල ආචාර්ය රෝලන්ඩ් සිල්වා මධ්‍යස්ථානයේ තැන්පත් කිරීමට අමතරව බිතුසිතුවම් අඩංගු විහාරයට ද ඩිජිටල් පිටපතක් ලබා දීමට නියමිතය.
විවෘත රාජ්‍ය හවුල්කාරිත්වය (OGP) සඳහා ශ්‍රී ලංකාවේ කැපවීම නැවත සාකච්ඡා කිරීමට සහ OGP වැඩසටහන නැවත…
උසස් පෙළ විභාගය පැවැත්වෙන කාල සීමාව තුළ ආපදා තත්ත්වයන් හේතුවෙන් ඇතිවිය හැකි බාධා මගහරවා ගනිමින්…
අධිකරණ නියෝගයකට අනුව වේයන්ගොඩ, වඳුරව ප්‍රදේශයේ වගුරු සහිත භූමියක ඇති බව කියන නිධානය සොයා පුරා…
ශ්‍රී ලංකාවට ලබා දී ඇති විස්තීරණ ණය අරමුදල් පහසුකම (EFF) යටතේ තුන්වන සමාලෝචනය අවසන් කිරීම…
මේ දිනවල ජනතාව අතර වෛරස් උණ රෝගයක් ව්‍යාප්ත වෙමින් ඇති බව සෞඛ්‍ය අංශ අනාවරණය කරනවා.…
විදෙස්ගත ශ්‍රමිකයින්ට මෙරටට විද්‍යුත් වාහන ගෙන්වීමට ලබා දී තිබූ බලපත්‍ර 1000කට අධික සංඛ්‍යාවක් අවභාවිත කර…