පාකිස්තාන මැදපෙල පිතිකරු සවුද් ශකීල් අද (26) නව ලෝක වාර්තාවක් පිහිටුවීමට සමත් වුණා.
ඒ, ශ්රී ලංකාව සමග කොළඹ එස්.එස්.සී ක්රීඩාංගනයේ දී පැවැත්වෙන දෙවැනි ටෙස්ට් ක්රිකට් තරගයේ පළමු ඉනිමේ දී ද අර්ධ ශතකයක් වාර්තා කිරීමට සමත් වීමත් සමගයි.
ඒ අනුව ඔහු මේ වන විට තමන් ක්රීඩා කළ ටෙස්ට් තරග හතේ දී ම ලකුණු 50 කට වැඩි ලකුණු ප්රමාණයක් වාර්තා කිරීමට සමත්ව තිබෙනවා.
ටෙස්ට් ඉතිහාසයේ දී එවැනි දක්ෂතාවයක් දැක් වූ ලොව පළමු ක්රීඩකයා ලෙසයි ශකීල් ඉතිහාසගත වුණේ.
ඔහු ක්රීඩා කළ තම මංගල ටෙස්ට් තරගයේ දී එංගලන්තයට එරෙහිව ලකුණු 76 ක් වාර්තා කිරීමට ශකීල් සමත් වුණා.
එංගලන්තයට එරෙහි දෙවැනි ටෙස්ට් තරගයේ දී පිළිවෙලින් ලකුණු 63 ක් හා 94 ක් ද, එංගලන්තයට එරෙහි තෙවැනි ටෙස්ට් තරගයේ දී ලකුණු 53 ක් ද රැස් කරමින් සිය පළමු තරග තුනේ දී ම අර්ධ ශතක වාර්තා කිරීමට ඔහු සමත් වුණා.
අනතුරුව නවසීලන්තයට එරෙහිව ක්රීඩා කළ සිය 4 වැනි ටෙස්ට් තරගයේ දී ඔහු නොදැවී ලකුණු 55 ක් ලබා ගත් අතර, සිය 5 වැනි ටෙස්ට් තරගයේ දී නවසීලන්තයට එරෙහිව ඔහු නොදැවී වාර්තා කළ ලකුණු සංඛ්යාව 125 ක්.
ශ්රී ලංකාවට එරෙහි පළමු ටෙස්ට් තරගය ශකීල්ගේ 6 වැනි ටෙස්ට් තරගයයි.
එහිදී ඔහු පළමු ඉනිමේ දී ද්විත්ව ශතකයක් වාර්තා කරමින් නොදැවී ලකුණු 208 ක් ලබා ගත්තා. ඉන් අනතුරුවයි අද දිනයේ දී ද ඔහු අර්ධ ශතකයක් වාර්තා කරමින් ලකුණු 57 ක් ලබා ගැනීමට සමත් වුණේ.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්රදේශවල…
අධ්යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්රේණිය ශිෂ්යත්ව විභාග සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්රී ලංකා කණ්ඩායම අතර ගාල්ල ජාත්යන්තර ක්රිකට් ක්රීඩාංගණයේ දී පැවැත්වෙන පළමු…
පොළොන්නරුව බකමූණ ප්රදේශයේ ප්රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්ය වූ එහි සේවක සේවිකාවන්…
හිටපු සෞඛ්ය අමාත්යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…