කටකතා බොරු කරමින් – ජය ශ්‍රී ‘රුවිතේ’ එයි !

ජය ශ්‍රී අයියයි මල්ලියි කරන්න සූදානම් වෙන අලුත් වැඩක් ගැන කතාවක් පහුගිය කාලේ පුරාවට සමාජ මාධ්‍ය වල පැතිරුණා. මේක දියමන්ති බිස්නස් එකක්ද නැත්නම් ජය ශ්‍රී ලගේ රෙස්ටොරන්ට් එකක්ද කියන කතාබහත් මේත් එක්ක මතුවුණා. ‍මේ පැතිරෙන එක එක කතා මැද්දේ ඒ ගැන එෆ් බී ලයිව් එකකින් පැහැදිලි කිරීමක් කරන්නත් ජය ශ්‍රී ලා කටයුතු කළා.
ඒ ගැන ජය ශ්‍රී රෝහිත කිව්වේ මෙහෙමයි,
‘සෑහෙන හාහෝවක් යනවා. ජය ශ්‍රී කියනවා. රුවිතේ කියනවා. මතුවෙන්න කියනවා. බඩු හොඳයි කියනවා. සැරයි කියනවා. ඇත්තටම අපිට කියන්න ඕන, ඕගොල්ලන්ට ගෙස් කරන්න මං දුන්නේ.
මේක සිංදුවක් ද. නැත්නම්, ජය ශ්‍රී ලා දියමන්ති බිස්නස් එකකට බැහැලද. ජය ශ්‍රීලගේ වෙනම දෙයක් ද. ඔන්න ඔහොම කියලා. ඉතිං, කොහොම වුණත් අපිට කියන්න ඕන, මෙන්න මෙච්චරයි. අපේ අලුත්ම අලුත් ලස්සන සිංදුව. රුවිතේ. මතුවෙන්න. මතුවෙන්න කියන්නේ, ඕගොල්ලන්ගේ ටැලන්ට්ස් තියෙනවා නම්, ඒ ටැලන්ට්ස් ඔපදාගෙන, මතුවෙන්න කියන එක තමයි මේ කියන්නේ’
මේ ‘රුවිතේ’ එළඹෙන 28 වෙනිදා ජය ශ්‍රී යූ ටියුබ් චැනල් එකෙන් එළිදක්වන්නට නියමිතයි.
ලංකාවේ දක්ෂ කලා ශිල්පීන් පිරිසක් එක්වෙලා ‍කරපු මේ නිර්මාණය වෙනස්ම අත්දැකීමක් වේවි කියලයි ජය ශ්‍රී ලා කියන්නේ. අමතක නොකර ජය ශ්‍රී ‘රුවිතේ’ එක්ක එක්වෙන්න‍.