ශ්‍රී ලංකා මහ බැංකු පනත් කෙටුම්පත සංශෝධන සහිතව පාර්ලිමේන්තුවේ දී වැඩි ඡන්දයෙන් සම්මත වී තිබෙනවා.
මෙම පනත් කෙටුම්පත දෙවැනි වර කියවීමේ විවාදය අද (20) පාර්ලිමේන්තුවේදී පැවැත්වුණා.
විවාදය අවසානයේ පාර්ලිමේන්තු මන්ත්‍රී විජිත හේරත් මහතා ඒ සඳහා ඡන්ද විමසීමක් ඉල්ලා සිටි බව පාර්ලිමේන්තුවේ සන්නිවේදන දෙපාර්තමේන්තුව සඳහන් කළා.
ඒ අනුව පැවති ඡන්ද විමසීමේ දී ඊට පක්ෂව ඡන්ද 66ක් සහ විපක්ෂව ඡන්ද 24ක් හිමිවූ අතර පනත් කෙටුම්පත පිළිබඳ දෙවැනි වර කියවීම වැඩි ඡන්ද 42 කින් සම්මත වී තිබෙනවා.
ඉන් අනතුරුව පැවති කාරක සභා අවස්ථාවේ දී ඊට අදාළ සංශෝධන එක්කිරීම සිදු වුණා.
අනතුරුව ශ්‍රී ලංකා මහ බැංකු පනත් කෙටුම්පත සම්බන්ධයෙන් වන තෙවැනි වර කියවීම සිදුවූ අතර සංශෝධන සහිතව ඡන්ද විමසීමකින් තොරව එය සම්මත වූ බව පාර්ලිමේන්තුවේ සන්නිවේදන දෙපාර්තමේන්තුව සඳහන් කළා.