ප්‍රසිද්ධියේ හිසකෙස් නිරාවරණය කරගෙන සිටින සහ හිජාබය ඇතුලු ඇඳුම් පැළඳුම් නීති පිළිනොපදින කාන්තාවන් සොයා ඉරාන සදාචාර පොලිසිය සිදුකරන ඝාෂ්තේ ඉර්ෂාඩ් හෙවත් මාර්ගෝපදේශ මුර සංචාර යළි ආරම්භ කර තිබෙනවා.
ඒ, හිජාබය නොපැළඳ හිසකෙස් නිරාවරණය කරගෙන සිටි බවට චෝදනා කරමින් අත්අඩංගුවට ගත් 22 හැවිරිදි මහ්සා අමිනි නම් තරුණිය මියගොස් මාස 10කට පසුව බව විදෙස් වාර්තා සඳහන් කළා.
ඇයගේ මරණය හේතුවෙන් මිලියන සංඛ්‍යාත ඉරාන වැසියන් මාස ගණනක් පුරා පැවැත්වු ප්‍රචන්ඩකාරී රාජ්‍ය විරෝධී උද්ඝෝෂණ නිසා මුර සංචාර නවතා දමා තිබුණා.
මෙහිදී විරෝධතාකරුවන් 600කට ආසන්න පිරිසක් මියගිය අතර, බොහෝ ඉරාන කාන්තාවන් හිජාබය ඇදීම සම්පූර්ණයෙන්ම නවතා දමා තිබූ බවයි විදෙස් වාර්තා සඳහන් කළේ.