බදුල්ල පොලිස් කොට්ඨාශ විෂමත්ද්‍රව්‍ය වැටලීම් ඒකකය විසින් අද (16) සිදු කළ විශේෂ වැටලීමකදී බදුල්ල නගරයේ විදුහලක් තුළ පවත්වාගෙන ගිය නීති විරෝධි ගව ඝාතකාගාරයක් සමඟ සැකකරුවන් පිරිසක් අත්අඩංගුවට ගෙන තිබෙනවා.
එහිදී මස්කිරීමට සූදානම් කරතිබූ අවුරුදු 3 ක් පමණ වයසැති වහුපැටියෙක් සහ එළ වැස්සියන් හතර දෙනෙකුගේ මස් පොලිසිය තම භාරයට ගත් බවයි සඳහන් කර සිටියේ.
එමෙන්ම පොලිසිය වැඩිදුරටත් ප්‍රකාශ කර සිටියේ මෙම ස්ථානයේ තිබී මස් ප්‍රවාහනයට සූදානම් කර තිබු වෑන්රථයක් ද පොලිසිය විසින් තම භාරයට ගත් බවයි.
අත්අඩංගුවටගත් සැකකරුවන් අතර මෙම පාසලේ අරක්ඇමියාද සිටින බවයි මුලික පොලිස් පරීක්ෂණවල දී අනාවරණය වී ඇත්තේ.
කෙසේ වෙතත් මෙම ස්ථානයේ ගවයන් ඝාතනය කර එහි මස් නගරයේ ගවමස් වෙළදැසල්වලට සපයා ඇති බවත් හෙළි වී තිබෙනවා.