ශ්‍රී ලංකා නීති විද්‍යාල ප්‍රවේශ විභාග ගාස්තුව සියයට 170 කින් පමණ ඉහළ නංවා ඇති බවට සිසුන් චෝදනා කරනවා.
ඔවුන් පෙන්වා දෙන්නේ, මෙවර විභාග ගාස්තුව 16,200 දක්වා වැඩි කර ඇති බවයි. පසුගිය වසරේ ඒ සඳහා රුපියල් 6000 ක් පමණ අය කළ බව සඳහන්.
මෙවර විභාග ගාස්තුව ලෙස රුපියල් 1200 ක් අය කිරීමටයි ශ්‍රී ලංකා නීති විද්‍යාලය කටයුතු කර ඇත්තේ.
කෙසේ වෙතත් නීති විද්‍යාල ගාස්තු ලෙස රුපියල් 15,000ක් අය කරනු ලබනවා.
2024 අධ්‍යයන වර්ෂය සඳහා අයදුම්පත් අද (16) පෙරවරු 9.00 සිට අගෝස්තු මස 16 වනදා දක්වා මාර්ගගත ක්‍රමය ඔස්සේ යොමු කළ හැකියි.
විභාග අයදුම්පත් www.doenets.lk අඩවියෙන් ලබා ගත හැකි බවයි නීතිවිද්‍යාලය වැඩිදුරටත් සඳහන් කළේ.
