උදරාබාධයක් හේතුවෙන් පේරාදෙණිය ශික්ෂණ රෝහලට ඇතුළත් කළ 21 හැවිරිදි චමුදි සන්දිපනී මධුෂිකා ජයරත්න තරුණිය මියගොස් ඇත්තේ ලබා දුන් ඖෂධයේ වරදක් නිසා නොව, ඉතාම කලාතුරකින් සිදුවන අසාත්සමිකතා කම්පනය (Anaphylactic shock) හේතුවෙන් බව පේරාදෙණිය ශික්ෂණ රෝහලේ අධ්‍යක්ෂ වෛද්‍ය අර්ජුන් තිලකරත්න අද (13) පැවසුවේය.
වෛද්‍යවරයා පැවසුවේ තරුණියට කිසිදු ප්‍රමාදයකින් තොරව නිසි ප්‍රතිකාර අවශ්‍ය නියමිත අයුරින් ලබා දි ඇති බවය.
රෝගියා රෝහලට ඇතුළත් කළ මොහොතේ සිට සිදුකළ ප්‍රතිකාර වලට අදාළ වාර්තා සියල්ල එකින් එක පරීක්ෂා කර බැලූ බවත් ඒ කිසිවක වැරදීමක් හෝ අධිමාත්‍රා ලබා දීමක් සිදුකර නොමැති බවත් ඔහු අවධාරණය කළේය.
රෝගී තරුණියට ලබා දි ඇති සෙෆ්ට්‍රිඇක්සෝන් නැමැති ප්‍රතිජීවික ඖෂධය රෝහලේ නිතර භාවිතයට ගන්නා එකක් බව පෙන්වා දුන් රෝහල් අධ්‍යක්ෂවරයා පසුගිය කාලය තුළ එම එන්නත් කුප්පි 2700 ක් රෝගීන්ට ලබා දී තිබෙන බවත්, එකම කාණ්ඩයට අයත් මෙම ඖෂධය ලංකාව පුරා රෝහල් වලින් රෝගීන්ට ලබාදෙන නමුත් කිසිම සිද්ධියක් මෙතෙක් වාර්තා නොවුන බවත් හෙළි කළේය.
චමුදි සන්දිපනී මධුෂිකා ජයරත්නගේ මරණයට හේතුව මෙම ඖෂධය නමුත් ඉතා කලාතුරකින් සිදුවන අසාත්මිකතා කම්පනය මරණයට හේතුව බව ඔහු කීවේය.
රෝහල් අධ්‍යක්ෂවරයා වැඩිදුරටත් කීවේ මරණය සම්බන්ධ පසු විපරමේ දි මේ තත්ත්වය හෙළිදරව් වුව ද මරණ පරීක්ෂණ වාර්තා ලැබෙන තෙක් නිශ්චිත නිගමනයට පැමිණිය නොහැකි බවය.
එමෙන්ම මළ සිරුර සම්බන්ධයෙන් පශ්චාත් මරණ පරීක්ෂණය පැවැත් වූ විශේෂඥ අධිකරණ වෛද්‍ය ප්‍රභාත් සේනසිංහ විවෘත තීන්දුවක් ලබා දී රුධිරය, පටක හා ආහාර සාම්පල පරීක්ෂණ සඳහා යොමුකර තිබෙන බව ද අධ්‍යක්ෂවරයා සඳහන් කළේය.
එක් එක් පුද්ගලයාගේ ප්‍රතිශක්තිකරණ පද්ධතියේ පවතින යම් යම් වෙනස් කම් නිසා අසාත්මිකතා ඇති වෙන්න පුලුුවන්. මෙතනදි වෙලා තියෙන්නේ රෝගියාට නිර්දේශ කළ එන්නත මාත්‍රාව එකවර ලබා දීමට හැකි සිරින්ජරයක් නොතිබීමයි. ඒ නිසා දෙවරක දී අදාළ මාත්‍රාව ලබා දී තිබුණා. ඒ මගින් රෝගියාට කිසිදු බලපෑමක් ඇති වෙන්නේ නෑ.
පළමු මාත්‍රාව ලබාදෙන අවස්ථාවේ රෝගියා අත රිදෙන බව ප්‍රකාශ කර තිබෙනවා. නමුත් ඇය තුළින් අසාත්මිකතා ලක්ෂණ දක්නට ලැබී නෑ. එම ලක්ෂණ දක්නට ලැබී ඇත්තේ එන්නත් මාත්‍රාව සම්පූර්ණ කිරීම සඳහා දෙවන වර එන්නත ලබා දිමෙන් පසුයි.
රෝහල් අධ්‍යක්ෂවරයා පැහැදිලි කළේය. පේරාදෙණිය ශික්ෂණ රෝහලේ කායික රෝග අංශයේ ප්‍රධානී, මහචාර්ය උදය රළපනාවය. ඔහු මාධ්‍ය ඉදිරියේ මෙසේ සිය පැහැදිලි කිරීම සිදු කළේය.
උදරාබාධයක් සමඟ වමනය සහ බඩඑළිය යෑමේ තත්ත්වය සමඟ තමයි රෝගියා රෝහලට ඇතුළු කළේ. රෝගියාගේ ශරීර අභ්‍යන්තරයට ක්ෂුද්‍ර ජීවීන් මගින් ඇතිකර තිබෙන බලපෑම කොයි ආකාරද යන්න මැන බැලීමට පරීක්ෂණයක් කළා. එහි CPR අගය මෙම රෝගියාගේ 270 ක පමණ අගයක තිබුණා. සාමාන්‍ය තත්ත්වයේ පසුවන අයෙකු ගේ එම අගය තිබිය යුත්තේ 06 ට අඩුවෙන්. ශරීරය තුළ බැක්ටීරියා ආසාදනයක ලකුණු තිබෙන අවස්ථාවක ප්‍රතිජීවක ඖෂධ නියම කරනවා. අදාළ ඖෂධ මාත්‍රාව හෙද සොහොයුරිය විසින් ලබා දී තිබෙන්නේ ඒ අනුවයි.
All these jokers who called themselves medical doctors are eating Keheliya shit