2023 එක්දින ක්‍රිකට් ලෝක කුසලාන තරගාවලියට සුදුසුකම් ලබා ගැනීමේ තරගාවලියේ අවසන් මහා තරගය හෙට දිනයේ පැවැත්වීමට නියමිතයි.
ඒ ශ්‍රී ලංකා කණ්ඩායම හා නෙදර්ලන්ත කණ්ඩායම අතරයි.
ශ්‍රී ලංකා කණ්ඩායම හෙට තරගයට පිවිසෙන්නේ තරගාවලියේ මෙතෙක් සහභාගී වූ සියලුම තරග ජයගනිමින් අපරාජිත කණ්ඩායමක් වශයෙනි.
හෙට තරගයට පිවිසෙන ශ්‍රී ලංකා කණ්ඩායමට ලෝක වාර්තාවක් සම කිරීමේ අවස්ථාව හිමිව තිබෙනවා.
මේ වනවිට එක්දින තරග වලදී පිට පිට වැඩිම වරක් ප්‍රතිවාදී කඩුලු දහයම දවා ගත් ලෝක වාර්තාව උසුලන්නේ ඕස්ට්‍රේලියාව සහ දකුණු අප්‍රිකාවයි.
ඒ පිට පිට තරග දහයකදී ප්‍රතිවාදී කඩුලු සියල්ලම දවා ගනිමිනි.
මේ වනවිට ලෝක කුසලාන සුදුසුකම් ලබා ගැනීමේ තරගාවලිය ක්‍රීඩා කරන ශ්‍රී ලංකා කණ්ඩායම පිට පිට තරග නවයකදී ප්‍රතිවාදී කඩුලු දහයම දවාගැනීමට සමත්ව තිබේ.
යම් හෙයකින් හෙට තරගයේදී නෙදර්ලන්ත කඩුලු දහයම දවා ගැනීමට සමත් වුවහොත් ශ්‍රී ලංකාවට එම වාර්තාව සම කිරීමට හැකිවනු ඇත.