අධික වැසි තත්ත්වයත් සමග එළවළු තොග සහ සිල්ලර මිල ගණන් සියයට හැත්තෑවකින් පමණ ඉහළ ගොස් ඇතැයි ආර්ථික මධ්යස්ථාන සඳහන් කරයි.
බොහෝ එළවළු වර්ගවල තොග කිලෝවක මිල රුපියල් 300 ඉක්මවා අලෙවි කෙරෙන අතර, රුපියල් සියයට අඩුවෙන් අලෙවි කෙරෙන්නේ කැකිරි, පිපිඤ්ඤා, කෙසෙල්මුව, පොළොස්, නෝකෝල් සහ රාබු පමණි.
කැකිරි කිලෝවක් රුපියල් 60 කට ද, පිපිඤ්ඤා කිලෝවක් රුපියල් 60 කට ද, කෙසෙල් මුවක් රුපියල් 90 කට ද, පොළොස් කිලෝවක ගෙඩියක් රුපියල් 50කටද, නෝකෝල් කිලෝවක් රුපියල් 100 කටද, රාබු කිලෝවක් රුපියල් 50ක තොග මිලකටද එළවළු තොග වෙළෙඳ පොළේ අලෙවි කෙරේ.
කෙසේ නමුත්, උඩරට එළවළු මිල ඉහළ යෑම නිසා බොහෝ දෙනෙකු පොලොස්, කෙසෙල් මුව ඇතුළු එළවළු වර්ග මිලදී ගැනීම ඉහළ ගොස් ඇතැයි එළවළු වෙළෙන්දෝ කියා සිටිති.
කඳුකර ප්රදේශවල මේ දිනවල පවතින වැසි තත්වයත් සමග පිළිවළු වෙළෙඳපොළට ලැබෙන එළවළු ප්රමාණය විශාල ලෙස අඩු වී ඇත.
දඹුල්ල තොග වෙළෙඳ පළට ඊයේ (05) එළවළු කිලෝ ලක්ෂ 10ක පමණ තොග ලැබුණ බවත් තොග ගැණුම්කරුවන්ගේ පැමිණීම සියයට පනහකින් පමණ පහළ යාමු එළවළු තොග මිල ඉහළ යාමට බලපෑ බවත් දඹුල්ල ආර්ථික මධ්යස්ථානයේ වෙළෙඳ සංගමයේ අනුශාසක ශාන්ත ඒකනායක කියා සිටියේයයි අගෝස්තු මුල් සතියේදී පමණ එළවට මිල සාමාන්ය තත්ත්වයට පත්වනු ඇති බවද ඔහු පැවැසීය. එළවළු මිල ඉහළ යෑම හේතුවෙන් කුඩා පරිමාණ එළවළු වෙළෙඳසල් රැසක් වැසීගොස් ඇත.
![](https://ceylonnewsfactory.lk/wp-content/uploads/2023/07/image.png)