බටහිර ඉන්දීය කොදෙව් තුන් ඉරියව් ක්‍රීඩක ජේසන් හෝල්ඩර් හා වේග පන්දු යවන ක්‍රීඩක අල්සාරි ජෝසප් ලෝක කුසලාන ක්‍රිකට් තරගාවලියට සුදුසුකම් ලබා ගැනීමේ තරගාවලිය යටතේ කොදෙව් කණ්ඩායම ක්‍රීඩා කරන අවසන් තරග දෙක සදහා ක්‍රීඩා නොකරන බව එරට ක්‍රිකට් ආයතනය පවසනවා.
ඔවුන් දෙදෙනා යළි සිම්බාබ්වේ සිට සිය රට බලා පිටත්ව යන බවයි කොදෙව් ක්‍රිකට් ආයතනය නිවේදනය කළේ. ඒ අනුව තරගාවලියේ සුපිරි 6 වටය යටතේ අද (5) පැවැත්වීමට නියමිත ඕමානයට එරෙහි තරගය හා එළඹෙන සිකුරාදා පැවැත්වීමට නියමිත ශ්‍රී ලංකාවට එරෙහි තරගය සදහා ඔවුන් දෙදෙනා ක්‍රීඩා කරන්නේ නැහැ.
කාර්යය බහුල ජාත්‍යන්තර තරග කාලසටහන හේතුවෙන් ඔවුන් දෙදෙනාගේ ක්‍රීඩා කටයුතු කලමණාකරණය කිරීමේ අරමුණින් මෙම පියවර ගෙන තිබෙනවා.
කොදෙව් කණ්ඩායම හා ඉන්දීය කණ්ඩායම අතර ටෙස්ට් තරගාවලියක් එළඹෙන 12 වැනිදා Dominica හී දී ආරම්භ වීමට නියමිත අතර, ප්‍රධාන වශයෙන් එම තරගාවලිය අරමුණු කර ගනිමිනුයි කොදෙව් ක්‍රිකට් ආයතනය ඔවුන් දෙදෙනාව සුපිරි 6 වටයේ ඉදිරි තරග දෙකෙන් ඉවත් කර ඇත්තේ.
සුපිරි 6 වටයේ ප්‍රසාද ලකුණු සටහනට අනුව කොදෙව් කණ්ඩායම මෙතෙක් කිසිදු ප්‍රසාද ලකුණක් හිමි කර ගෙන නැහැ.
ඔවුන් ප්‍රසාද ලකුණු සටහනේ 5 වැනි ස්ථානයේ රැදී සිටිනවා. ඒ හේතුවෙන් 2023 ලෝක කුසලාන එක්දින ක්‍රිකට් තරගාවලියට සුදුසුකම් ලබා ගැනීමේ අවස්ථාව ද කොදෙව්වන්ට අහිමි වුණා.
ඒ අනුව ඉදිරි තරග දෙකේ ප්‍රතිපල ඔවුන්ට කිසිදු බලපෑමක් සිදු නොකරන බැවින් මෙලෙස ජේසන් හෝල්ඩර් හා අල්සාරි ජෝසප් සංචිතයෙන් ඉවත් කිරීමටයි පියවර ගෙන ඇත්තේ.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්‍රදේශවල…
අධ්‍යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්‍රේණිය ශිෂ්‍යත්ව විභාග සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්‍රී ලංකා කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන පළමු…
පොළොන්නරුව බකමූණ ප්‍රදේශයේ ප්‍රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්‍ය වූ එහි සේවක සේවිකාවන්…
හිටපු සෞඛ්‍ය අමාත්‍යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…