රාජ්‍ය තාන්ත්‍රික පරිත්‍යාගයක් ලෙස තායිලන්තයේ රජතුමා විසින් මීට වසර 22 කට පෙර ශ්‍රී ලංකාවට ලබා දුන් “මුතු රාජා” නොහොත් “සක්සුරින්” ඇත් රජු යළි තායිලන්තය වෙත රැගෙන යාම සදහා අද (02) අලුයම 03.00 ට පමණ කටුනායක ගුවන් තොටුපොළ වෙත රැගෙන ආවේය .
ඇත් රජු රැගත් රථය මෙතෙක් ඔහු රඳවා සිටි දෙහිවල සත්වෝද්‍යානයෙන් පිටත් වී ඇත්තේ අලුයම 12.00 ට පමණය.
එම විශේෂ රථය ඉතා සෙමින් සෙමින්, හස්තියා අපහසුතාවට පත් නොවන ආකාරයට කටුනායක ගුවන් තොටුපොළ වෙත ඔහුව රැගෙන ඒමට පියවර ගෙන තිබුණි.
එම ගමන සඳහා තායිලන්තයේ සිට මෙරටට පැමිණි පශු වෛද්‍යවරුන් තිදෙනෙකු, ඇත් ගොව්වෙකු සහ සහයකයින් දෙදෙනෙකු සහභාගී වී තිබෙනවා.
“සක්සුරින්” මුල් නමින් 2001 වසරේ ජනවාරි 08 වැනි දින තායිලන්ත රජය, මෙරටට ප්‍රදානය කෙරුණු “මුතු රාජා”, එවක ජනාධිපති චන්ද්‍රිකා බණ්ඩාරනායක කුමාරතුංග මහත්මිය විසින් සන්නසකින් අලුත්ගම කන්දේ විහාරයට පූජා කරනු ලැබුවා.
“මුතු රාජා” ශ්‍රී ලංකාවේ සිටින දිගම දළ යුගල හිමි හස්තියායි.
වසර ගණනාවක් විවිධ පෙරහර අවස්ථාවන්ට එක්වු “මුතූ” මහනුවර ඓතිහාසික නාථ දේවාලයේ පෙරහරට සිය දායකත්වය නොකඩවා ලබා දුන්නේ මීට වසර කිහිපයකට පෙර සිටයි. එහෙත් මෙම හස්තියාගේ සෞඛ්‍ය තත්ත්වය දිනෙන් දින පිරිහීම හේතුවෙන් යළි තායිලන්තයට රැගෙන යාම සඳහා එරට රජය ලංකාවෙන් ඉල්ලීමක් කර තිබුණා.
ඒ අනුව “මුතු රාජා” යළි තායිලන්තය වෙත යැවීමට තීරණය කර ඇත්තේ, ප්‍රතිකාර කිරීමෙන් පසු නැවත ලබා දෙන බවට වූ ගිවිසුම මත බවයි අලුත්ගම, කන්දේ විහාරාධිපති පූජ්‍ය කොක්කාවිට විපුලසාර නා හිමියෝ ප්‍රකාශ කළේ.
හිටපු ජනාධිපති මෛත්‍රීපාල සිරිසේනට එරෙහිව අල්ලස් කොමිසම වෙත පැමිණිල්ලක් ඉදිරිපත් කර තිබෙනවා. ශ්‍රීලනිප හිටපු විධායක…
සෞඛ්‍ය වෘත්තිය සමිති සන්ධානය පළාත් මට්ටමින් සිදුකරන වර්ජනය අද දකුණු පළාත කේන්ද්‍ර කරගනිමින් ක්‍රියාත්මක කිරීමට…
වවුනියාවේ තේක්කවත්ත ප්‍රදේශයේ ලැගුම් හලකදී වයස අවුරුදු 14 ක පාසල් දැරියකට මත්ද්‍රව්‍ය පොවා ඇයව සමූහ…
යාපනය කරවෙඩ්ඩි සිත්ති විනාගර් කෝවිලේ පූජකවරයකු කරවෙඩ්ඩි සංස්කෘතික නිලධාරීවරයාගේ නිල මුද්‍රාවට සමාන මුද්‍රාවක් ව්‍යාජ ලෙස…
දැනට රටේ සිටින දෙලක්ෂ අට දහසක් වූ හමුදාවේන් අඩකට වඩා අඩු කර වර්ෂ 2030 වන…
රුසියානු හමුදාවට බැඳුණු ශ්‍රී ලාංකිකයින් 16 දෙනෙකු මියගොස් ඇති බවට මේ වන විට තහවුරු වී…