ලංකාවට ගිණිකොන දිග මුහුදේ, මුහුදු මට්ටමේ සිට කිලෝමීටර 10ක් අභ්‍යන්තරයේ අද (01) භූ කම්පනයක් සිදු වී තිබෙනවා.
එය කොළඹ සිට 1260ක දුරකින් සිදුව ඇති බවයි වාර්තා වන්නේ.
මෙය රිප්‍ටර් මාපක 5.8ක අගයකින් වාර්තා වී තිබෙනවා.
මෙම භූ කම්පනය කළුතර, පානදුර, බම්බලපිටිය සහ කොළඹ අවට ප්‍රදේශ කිහිපයකට සුළු වශයෙන් දැනී ඇති බවයි ප්‍රදේශවාසීන් පවසන්නේ.
කෙසේ වෙතත් භූ විද්‍යා සමීක්ෂණ හා පතල් කාර්‍යංශය පැවසුවේ එම භූ කම්පනය හේතුවෙන් සුනාමි අවධානමක් ගැන වාර්තා වී නොමැති බවයි.