තෙල්දෙණිය, කෙංගල්ල ප්‍රදේශයේ පිහිටි වාහන අංගනයක සේවකයින් දෙදෙනෙකු බිය වද්දා බැඳ දමා, රුපියල් ලක්ෂ 770 ක් පමණ වටිනා ඩිෆෙන්ඩර් වර්ගයේ ජිප් රථ 03 ක් සහ වෑන් රථයක් කොල්ලකෑමේ සිද්ධියට සම්බන්ධ සැකකරුවන් සිව්දෙනෙකු අත්අඩංගුවට ගෙන තිබෙනවා.
කොල්ලකන ලද ජිප් රථ 02 ක් සහ කොල්ලකෑම සඳහා සැකකරුවන් පැමිණි කැබ් රථය සමඟ සැකකරුවන් තිදෙනෙකු ඊයේ වත්තේගම, දොරගමුව ප්‍රදේශයේ නිවසක් පිටුපස ගරාජයකදී අත්අඩංගුවට ගැනුණේ, වත්තේගම පොලිසියේ නිලධාරීන් විසින් සිදුකළ වැටලීමකදීයි.
අත්අඩංගුවට ගත් සැකකරුවන් ගුන්නෑපාන, දොරගමුව සහ රජවැල්ල ප්‍රදේශවල පදිංචි, අවුරුදු 27, 32 සහ 34 යන වයස්වල පසුවන්නන්.
සැකකරුවන් අද තෙල්දෙණිය පොලිසිය වෙත ඉදිරිපත් කිරීමට නියමිතව තිබෙනවා.
කොල්ලකන ලද අනෙක් ජිප් රථය සමඟ තවත් සැකකරුවෙකු නිට්ටඹුව, පන්නිල ප්‍රදේශයේදී ඊයේ අත්අඩංගුවට ගැනුණේ තෙල්දෙණිය පොලිසියේ නිලධාරීන්ට ලද තොරතුරක් මතයි.
සැකකරු වතුපිටිවල ප්‍රදේශයේ පදිංචි, 26 හැවිරිදි පුද්ගලයෙක්. අත්අඩංගුවට ගත් සැකකරු අද තෙල්දෙණිය මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
බස්නාහිර, සබරගමුව සහ දකුණු පළාත්වලත් මහනුවර සහ නුවරඑළිය දිස්ත්‍රික්කවලත් වැසි වාර කිහිපයක් ඇතිවේ. නැගෙනහිර සහ…
ජනාධිපතිවරණයට අදාළව අපේක්ෂකයන් වෙනුවෙන් අද පැවැත්වෙන අවසන් ප්‍රචාරක රැළි හෙට පුවත්පත් වල පළකළ හැකි නමුත්…
ශ්‍රී ලංකාවට දකුණු දෙසින් වූ ගැඹුරු මුහුදේදී මාළුවකු සපාකෑමෙන් අසාධ්‍ය තත්ත්වයෙන් පසුවූ ධීවරයෙකු ප්‍රතිකාර සඳහා…
ඉදිරි දින කිහිපයේ රටේ පවතින කාලගුණ තත්ත්වය පිළිබඳ පූර්ණ වාර්තාවක් කාලගුණ විද්‍යා දෙපාර්තමේන්තුවෙන් ලබාගෙන ඇතැයි…
මැතිවරණය පැවැත්වෙන 21 වනදා සාමාන්‍ය පරිදි සෙනසුරාදා දිනයට අදාළ දුම්රිය කාලසටහන ක්‍රියාත්මක කෙරෙන බව දුම්රිය…
2025 නව පාසල් වාරය වෙනුවෙන් පාසල් ළමුන් ලක්ෂ 43කට අවශ්‍ය නිල ඇඳුම් සහ පිරිවෙන් 825…