එක්සත් ජාතීන්ගේ සංවිධානය විසින් රුසියාව ගෝලීය අපරාධකරුවන්ගේ ලැයිස්තුවට ඇතුළත් කර තිබෙනවා.
ඒ, 2022 වසරේදී යුක්‍රේනයේ ළමුන් 136 දෙනෙකු ඝාතනය කිරීමේ චෝදනාව යටතේයි. රාජ්‍ය තාන්ත්‍රිකයෙකු විසින් එක්සත් ජාතීන්ගේ ආරක්ෂක කවුන්සිලයට (UNSC) ඉදිරිපත් කරන ලද වාර්තාවකට අනුව, රුසියානු හමුදා සහ ඊට අනුබද්ධ කණ්ඩායම් විසින් යුක්‍රේනයේ පාසල් සහ රෝහල්වලට ප්‍රහාර 480 ක් එල්ල කර තිබෙනවා.
එම ප්‍රහාරවලින් ළමුන් 518 දෙනෙකු ආබාධිත තත්ත්වයට පත්ව ඇති බව වාර්තාවේ සඳහන්.
රොයිටර් පුවත් සේවය වාර්තා කර ඇත්තේ, රුසියානු හමුදාව විසින් යුක්‍රේනයේ ළමුන් 91 දෙනෙකු මිනිස් පලිහක් ලෙස යොදා ගත් බවයි.
මේ අතර, රුසියා – යුක්‍රේන යුද්ධයේදී ළමුන් 1,000 කට ආසන්න සංඛ්‍යාවක් මියගොස් හෝ තුවාල ලබා ඇති බව යුනිසෙෆ් සංවිධානය වාර්තා කර තිබෙනවා.