පිටකොටුව වෙළෙද සංගමයේ සභාපති හිටපු නාගරික මන්ත්‍රී මහින්ද කහඳගම රක්ෂිත බන්ධනාගාරගත කොට තිබෙනවා.
කොම්පඤ්ඤවීදිය මෙට්ට්‍රෝ නිවාස සංකීර්ණයේ නිවාසයක් ලබා දෙන බවට පවසා රුපියල් ලක්ෂ 70ක් වංචා කළැයි කොළඹ වංචා විමර්ශන කාර්යාංශය අත්අඩංගුවට ගත් හිටපු නාගරික මන්ත්‍රී මහින්ද කහඳගම ලබන 22 වැනිදා දක්වා රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් අධිකරණය අද (20) නියෝග කොට තිබෙනවා.
මැයි 9 වැනිදා ගෝල්ෆේස් ප්‍රහාරය සම්බන්ධව ප්‍රධාන සැකකරුවෙකු ලෙසද මිට පෙර මොහුව නම් කොට තිබු අතර ඊට අදාළ නඩු විභාගයද මේ වනවිට ක්‍රියාත්මක වනවා.