දික්වැල්ල – දෙමටපිටිය කුමාරතුංග මාවතේදී පුද්ගලයෙකු ඉලක්ක කරගනිමින් අද උදෑසන වෙඩි ප්‍රහාරයක් එල්ල වී තිබෙනවා.
මෝටර් රථයකින් පැමිණි පිරිසක් විසින් යතුරුපැදියකින් ගමන් කරමින් සිටි පුද්ගලයෙකුට මෙලෙස වෙඩි තබා පලා ගොස් ඇති බවයි පොලීසිය සඳහන් කළේ.
වෙඩි තැබීම සඳහා ටී-56 වර්ගයේ ගිනි අවියක් භාවිත කර ඇති බවයි මූලික විමර්ශනවලදී අනාවරණ වී ඇත්තේ.
එහිදී පුද්ගලයෙකු තුවාල ලබා ඇති අතර, ඔහු ප්‍රතිකාර සඳහා මේ වනවිට මාතර මහ රෝහලට ඇතුළත් කර තිබෙනවා.
වෙඩි ප්‍රහාරයට හේතුව මෙතෙක් අනාවරණ වී නොමැති අතර, සැකකරුවන් සොයා පොලිසිය මේ වනවිට විමර්ශන ආරම්භ කර තිබෙනවා.
