ආගමික සහජීවනයට බාධා වන අයුරින් ප්‍රකාශ නිකුත් කළ බවට අත්අඩංගුවට ගෙන අධිකරණයට ඉදිරිපත් කර රක්ෂිත බන්ධනාගාරගත කර සිටින රාජාංගණයේ සද්ධාරතන හිමිනමගේ ගිණුමට රුපියල් කෝටි හයකට අධික මුදලක් අවස්ථා ගණනාවකදී ලැබී ඇති බවත් ඒ සම්බන්ධයෙන් විමර්ශන සිදු කරන බවත් අපරාධ පරීක්ෂණ දෙපාර්තමේන්තුව අධිකරණයට ඊයේ (07) දන්වා සිටියේය. සැකකාර හිමිනම සිදු කළ ප්‍රකාශ සම්බන්ධයෙන් බෞද්ධ, හින්දු, මුස්ලිම් ආගමික කටයුතු දෙපාර්තමේන්තුවල අධ්‍යක්ෂවරුන්ගෙන් එම ආගමිකයන්ට බලපාන්නේ කෙසේද යන්න සම්බන්ධයෙන් ප්‍රකාශ ලබාගත් බවත් ඊට අදාළව විමර්ශන සිදු කරන බවත් අපරාධ පරීක්ෂණ දෙපාර්තමේන්තුව අධිකරණයට දන්වා සිටියේය.
නඩුව යළි ඊයේ (07) කැඳවූ අවස්ථාවේදී රාජාංගණයේ සද්ධාරතන හිමියන් ලබන ජූනි මස 21 තෙක් යළි රක්ෂිත බන්ධනාගාරගත කරන ලෙස කොටුව මහේස්ත්‍රාත් තිළිණ ගමගේ මහතා නියෝග කළේය.
සැකකාර හිමිනම වෙනුවෙන් පෙනී සිටි නීතිඥ අමිල එගොඩමහවත්ත මහතා මෙහිදී කියා සිටියේ තම සේවාදායකයා අක්කර එකහමාරක භූමියක විහාරස්ථානයේ දාන ශාලාව, බුදු ගෙය, දිවා සුරැකුම් මධ්‍යස්ථානය, දහම් පාසල් ඇතුළු ගොඩනැඟිලි ඉදි කර ඇති බවත් ඒ සඳහා එංගලන්තයේ දායකයකු වරින් වර මුදල් ඒවා ඇති බවත්ය. මෙම ළදරු පාසලේ ළමුන් 346කට දිවා ආහාරය ලබා දෙන බවත් ප්‍රදේශයේ මරණයක් සිදු වුවහොත් 70,000ක පමණ මුදලක් ලබා දෙන බවත් කියා සිටි අතර මුස්ලිම් ජාතිකයන්ට ද උපකාර කරන බව ද කීවේය. එමෙන්ම මෙම හිමියන් නිකුත් කළ වීඩියෝවට දමා ඇති ප්‍රතිචාරවලින් සියයට 50ක්ම තෙරුවන් සරණයි යන්න යොදා ඇති බවත් නීතිඥවරයා අධිකරණයට දන්වා සිටියේය.
සැකකාර හිමියන්ට එරෙහිව තවත් නඩු පවතින බවට අපරාධ පරීක්ෂණ දෙපාර්තමේන්තුව අධිකරණයට දන්වා සිටි අවස්ථාවේදී උන් වහන්සේ වෙනුවෙන් පෙනී සිටි නීතිඥවරයා දන්වා සිටියේ සොරබොර වැව අසල පල්ලියක් ඉදි කිරීමේදී ඇති වූ සිද්ධියක් සම්බන්ධයෙන් නඩුවක් පවතින බවය.
සැකකාර හිමියන් වෙනුවෙන් ලබන 14 හෝ ඊට පෙර ලිඛිත දේශන ගොනු කරන ලෙසත් ඊට විරෝධතා ලබන 21 වැනිදාට පෙර ගොනු කරන ලෙසත් මහේස්ත්‍රාත්වරයා නියෝග කළේය.
උන් වහන්සේව අනුරාධපුර, ශ්‍රාවස්ති ප්‍රදේශයේදී අත්අඩංගුවට ගෙන තිබේ.
ආගමික සංහිඳියාවට හානිකර වන පරිදි කරන ලද ප්‍රකාශ පිළිබඳව පාහියංගල ආනන්ද සාගර හිමි විසින් කරන ලද පැමිණිල්ලක් මත සිදු කළ පරීක්ෂණයන්ට අදාළව රාජාංගණයේ සද්ධාරතන හිමියන්ව එලෙස අත්අඩංගුවට ගෙන ඇත.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්‍රදේශවල…
අධ්‍යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්‍රේණිය ශිෂ්‍යත්ව විභාග සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්‍රී ලංකා කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන පළමු…
පොළොන්නරුව බකමූණ ප්‍රදේශයේ ප්‍රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්‍ය වූ එහි සේවක සේවිකාවන්…
හිටපු සෞඛ්‍ය අමාත්‍යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…