යෝජිත විකාශන අධිකාරි පනතට එරෙහිව ඡන්දය ප්‍රකාශ කිරීමට විපක්ෂයේ විධායක සභාව ඒකමතිකව තීරණය කර තිබෙනවා.
ඊට විරුද්ධව පාර්ලිමේන්තුව තුළ මෙන්ම ඉන් පිටතදීත් කටයුතු කරන බවයි, විපක්ෂ නායක සජිත් ප්‍රේමදාස ප්‍රකාශ කළේ. අදාළ පනත හරහා මෙරට ඉතිරිව පවතින ප්‍රජාතන්ත්‍රවාදී කොටස් විනාශ වනු ඇති බව ද ඔහු කියා සිටියා.
විකාශන අධිකාරි පනත සම්බන්ධයෙන් අධ්‍යයන කිරීම සඳහා විපක්ෂයේ විධායක සභාව අද රැස් වුණා. එහි දී විශේෂ තීන්දු තීරණ රැසක් ගත් බවයි සජිත් ප්‍රේමදාස මහතා සඳහන් කළේ.
ප්‍රජාතන්ත්‍රවාදී ක්‍රමවේදය තුළ සිව්වැනි කුළුණ නිදහස් මාධ්‍ය වන බවත් ව්‍යවස්ථාදායක, විධායකය සහ අධිකරණය සංවරණ සහ තුළණ මඟින් ප්‍රජාතන්ත්‍රවාදී ක්‍රමය ශක්තිමත් වන විට මාධ්‍යයෙහි සංවරණ සහ තුලනය ඇති වනු ඇති. වත්මන් ආණ්ඩුව මෙවැනි අණපනත් තුළින් නිදහස් මාධ්‍ය විනාශ කිරීමට සූදානම් බව ද සජිත් ප්‍රේමදාස අවධාරණය කළා.
මීට පෙර මෙවැනි ආකාරයේ පනතක් 1997 වසරේ දී ආණ්ඩුව විසින් යෝජනා කළ බවත් එය එම වසරේ දී මැයි මස 05 වැනිදා ශ්‍රේෂ්ඨාධිකරණය ආණ්ඩුක්‍රම ව්‍යවස්ථාවට පටහැනි බවට නියෝග කළ බවත් ඔහු කියා සිටියා. මේ වනවිට යෝජනා වී ඇති පනත පරාජය කිරීමට සියලු මාධ්‍ය එක්විය යුතු බවයි, විපක්ෂ නායකරයා එහි දී පෙන්වා දුන්නේ.
මෙරට තුළ ප්‍රජාතන්ත්‍ර විරෝධී ක්‍රියාවන්ට මෙන්ම ඒකාධිපතීත්වයට ආඥාදායකත්වයට කිසිදු තැනක් නොමැති බවත් ප්‍රජාතන්ත්‍රවාදය සුරකින්න කළ හැකි සියලු ම දේ කරන්න සූදානම් බවත් විපක්ෂ නායක සජිත් ප්‍රේමදාස වැඩිදුරටත් ප්‍රකාශ කළා.
ශ්‍රී ලංකා පොදුජන පෙරමුණේ නිර්මාතෘ, හිටපු මුදල් අමාත්‍ය බැසිල් රාජපක්ෂ මහතා අද (20) උදෑසන එමිරේට්ස්…
ජනාධිපති ධුර අපේක්ෂකයින් ප්‍රවර්ධනය කිරීම හේතුවෙන් හම්බන්තොට දිස්ත්‍රික්කයේ රාජ්‍ය නිලධාරින් 9දෙනෙකු මැතිවරණ රාජකාරී වලින් ඉවත්…
සබරගමුව පළාතෙත් කළුතර, ගාල්ල සහ මාතර දිස්ත්‍රික්ක වලත් විටින් විට වැසි ඇතිවේ. වයඹ පළාතෙත් කොළඹ,…
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්‍රදේශවල…
අධ්‍යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්‍රේණිය ශිෂ්‍යත්ව විභාග සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…