අපොස සාමාන්‍ය පෙල විභාගයට පෙනී සිටී පානදුර ජනප්‍රිය පාසලක සිසුවෙකුගේ යටි බඩට පයින් පහරදීමෙන් මුත්‍රා මාර්ගයෙන් රුධිරය වහනයවි රෝහල් ගතකර ඇතැයි පානදුර දකුණ පොලිසිය පවසනවා.
පහරදීම සිදුකල සිසුන් පස්දෙනෙකු අත්අඩංගුවට ගැනීමට නියමිත බවයි වාර්තා වන්නේ.
පහරකෑ පාසල් සිසුවා විද්‍යාව දෙවන ප්‍රශ්න පත්‍රයට පිළිතුරු සපයා පළමු ප්‍රශ්න පත්‍රයට පෙර පැය දෙකක පමණ විවේක කාලයක් තිබීම නිසා එම කාලයේ පාඩම් කරමින් සිටියදී තවත් සිසුන් පස් දෙනෙකු ඔහු සමග ආරවුලක් ඇතිකරගෙන ඇති බවයි වාර්තා වන්නේ.
පහරකෑමෙන් පසු සිසුවා පානදුර මූලික රෝහලට ඇතුලත් කර ඇති අතර, ඔහුගේ මුත්‍රා මාර්ගයෙන් රුධිරය වහනය විමක් සිදුව ඇති බව රෝහල් ආරංචි මාර්ග සදහන් කරනවා.
සිසුවා රෝහලින් කැටුවවිත් පළමු ප්‍රශ්න පත්‍රයට පිළිතුරු සපයා ඇති අතර , විභාගය අවසානයේ පියා සමග පැමිණ පැමිණිල්ලක් කර සිසුවා නැවත රෝහල් ගතකර ඇති බව පොලිසිය සදහන් කරන්නේ.