පිරවුම්හල්වල ඉන්ධන හිගවීම හේතුවෙන් ඇතැම් පිරවුම්හල් අසල අද (2) පෙරවරුවේ පෝලිම් පැවති අතර ඇතැම් පිරවුම්හල්වල ඉන්ධන නොමැති ආකාරයක්ද දක්නට ලැබිණි.
මේ සම්බන්ධයෙන් කළ සොයා බැලීමේදී දැනගත හැකි වූයේ ඉන්ධන මිල ගණන් පහළ යන බව ප්රචාරයවීම මත පිරවුම්හල් කරුවන් ඉන්ධන ඇණවුම් නොකිරීම මත හිගයක් නිර්මාණය වූ බවය.
කෙසේ වුවද බොහෝ ප්රදේශවල පිහිටි ඉන්ධන පිරවුම්හලවල ඉන්ධන අවසන් බවට දැන්විම් එල්ලා ඇති ආකාරයක් දැකගන්නට තිබුණි.
මේ අතර සියලුම ඉන්ධන පිරවුම්හල් වෙත ප්රමාණවත් තොග සැපයීම සඳහා මෙම සතියේ සෙනසුරාදා සහ ඉරිදා දිනවල (හෙට සහ අනිද්දා) ඉන්ධන බෙදා හැරීම අඛණ්ඩව සිදු කරන ලෙස ඛනිජ තෙල් නීතිගත සංස්ථාවට සහ ඛනිජ තෙල් තොග ගබඩා පර්යන්ත සමාගමට උපදෙස් ලබාදී තිබෙනවා.
විදුලිබල හා බලශක්ති අමාත්ය කංචන විජේසේකර මහතා මෙම උපදෙස් ලබාදී ඇති අතර, ට්වීටර් පණිවුඩයක් නිකුත් කරමින් අමාත්යවරයා මේ බව කියා සිටියා.
ඛනිජ තෙල් නීතිගත සංස්ථාව සහ ඛනිජ තෙල් තොග ගබඩා පර්යන්ත සමාගම පසුගිය මාස 04 තුළ ඉරිදා සහ රජයේ නිවාඩු දිනවල අතිකාල වියදම් අඩු කිරීම සඳහා ක්රියාත්මක වූයේ නැහැ.
ඉන්ධන මිල අඩුවීමක් අපේක්ෂාවෙන් පසුගිය සෙනසුරාදා සිට ඉන්ධන පිරවුම්හල් මගින් ඇණවුම් ලබා නොදීම, අවම තොග පවත්වා නොගැනීම, මිල සංශෝධන සහ කෝටා වැඩිකිරීමෙන් පසු පාරිභෝගිකයන්ගේ ක්ෂණික ඉල්ලුම වැඩිවීම හේතුවෙන් මේ වනවිට ඇතැම් ඉන්ධන පිරවුම්හල් ආශ්රිතව හිඟයක් නිර්මාණය වී ඇති බවයි අමාත්ය කංචන විජේසේකර මහතා සිය ට්වීටර් පණිවුඩයෙන් වැඩිදුරටත් පෙන්වා දෙන්නේ.
https://youtu.be/4_8thDSCNIs
ශ්රී ලංකා නිදහස් පක්ෂයේ ගාල්ල හිනිදුම ආසනයේ ප්රධාන සංවිධායක ලෙස කටයුතු කළ සම්පත් ගමගේ නමැත්තාව…
මෙරට වාහන එකලස් කිරීමේ ක්ෂේත්රයේ සුවිශේෂී සංධිස්ථානයක් සනිටුහන් කරමින් කුලියාපිටිය වෙස්ටර්න් ඔටෝමොබයිල් ඇසෙම්බ්ලි ප්රයිවට් ලිමිටඩ්…
ICC කාන්තා T20 ලෝක කුසලානය 2024 තරගාවලියේ දී ක්රීඩිකාවන්ටද ක්රීඩකයන් හා සමාන ත්යාග මුදල් පිරිනැමීමට…
ශ්රී ලංකාව සහ නවසීලන්තය අතර පැවැත්වෙන තරග දෙකකින් සමන්විත ටෙස්ට් තරගාවලියේ පළමු තරගය හෙට (18)…
2024 ජනාධිපතිවරණය වෙනුවෙන් සිදුකරන ලද මැතිවරණ පූර්ව ප්රචාරක රැස්වීම්වලට අදාළ අවසන් ප්රචාරක රැස්වීම් හෙට (18)…