පහළොස් හැවිරිදි දැරිය අපයෝජනය කළ පුද්ගලයා පොලිස් දැලේ!

පහළොස් හැවිරිදි දැරියක් අපයෝජනයට ලක් කළ පුද්ගලයෙක් බකමූණ පොලීසිය විසින් අත්අඩංගුවට ගෙන තිබෙනවා.

එම අපයෝජනය මවගේ අනියම් පුරුෂයා විසින් සිදුකර ඇති බවයි සඳහන් වන්නේ.

මෙම දැ‍රියගේ මව විදේශගතව සිටින අතර ඇය තම අත්තම්මා සමඟ මහවෙල පොලිස් වසමේ ජීවිත්ව සිටින බව පොලීසිය පවසනවා.

අත්තම්මා සමඟ අමනාප වී නිවසෙන් යමින් සිටියදී එම දැරිය මහවෙල පොලිස් නිළධාරීන් භාරයට ගෙන අධිකරණ වෛද්‍යවරයාට ඉදිරිපත් කිරීමෙන් අනතුරුව අපයෝජනයට ලක් වී ඇති බව වාර්තා වී තිබේ.

දැරියගෙන් සිදුකළ ප්‍රශ්න කිරීම් වලදී ඇය සිය මවගේ අනියම් ස්වාමිපුරුෂයා අතින් අපයෝජනයට ලක් වූ බව පවසා ඇති අතර අපයෝජනයට ලක්වන අවස්ථාවේදී දැරිය ජීවත්ව සිට ඇත්තේ බකමූණ පොලිස් වසමේ වූ අතර, බකමූණ පොලීසිය විසින් විමර්ශන සිදුකර 41 හැවිරිදි සැකකාර පුද්ගලයා අත්අඩංගුවට ගෙන අධිකරණයට ඉදිරිපත් කර ඇති බව වාර්තා වේ.