නීත්යානුකූලව විවාහයෙන් වෙන් වී සිටි බිරිය වෙන අයෙකු විවාහ කරගැනීමට යාම බලා සිටීමට නොහැකිව ඇය පැහැරගෙන ගොස් ඇසිඩ් පොවා ඝාතනය කිරීමට තැත්කළ සැමියෙකුට වසර දහයකට අත් හිටවූ සිර දඬුවමක්, රුපියල් 15000ක දඩයක් හා රුපියල් ලක්ෂ 12ක වන්දියක් ගෙවන ලෙස හම්බන්තොට මහාධිකරණය අද එනම් 24 වැනිදා නියෝග කෙරුණි. මෙලෙස දඩ, වන්දි හා සිර දඬුවම් නියම වූයේ අම්බලන්තොට පදිංචි 42 හැවිරිදි එක්දරු පියෙකුයි.
චූදිත පුද්ගලයා 2015.09.01 දින විවාහයෙන් දික්කසාද වී සිටි ගුරුවරියක වූ සිය බිරිය පා ගමනින් උදෑසන පාසලට යමින් සිටි අවස්ථාවේ කාර් රථයකින් පැමිණ අම්බලන්තොට නෝනගමදී පැහැරගෙන ගොස් ඇති බව වාර්තා වේ. බිරිය වෙනත් අයෙකු හා විවාහ වීමට සූදානම් වීම හේතුවෙන් තමන්ට එය බලාගෙන සිටීමට නොහැකිව ඇසිඩ් බෝතලයක් එළියට ගෙන දික්කසාද වී සිටි බිරියට බලහත්කාරයෙන් පොවා තිබේ.
එහිදී දෙදෙනා අතර වූ පොර බැදීමේදී චූදිතගේ සිරුර මතටද ඇසිඩ් වැටීමෙන් අසාධ්යව ඇඹිලිපිටිය ප්රදේශයේ මාර්ගය අසල රැඳී සිටියදී මාර්ගයේ ගමන් කරමින් සිටි ත්රී රෝද රථයක පිරිසක් විසින් චූදිත හා බිරිය ඇඹිලිපිටිය මූලික රෝහලට ඇතුළත් කර ඇත. චූදිත බිරිය රෝහලට ඇතුළත් කිරීමෙන් පසු රෝහල් පොලීසිය මඟින් අම්බලන්තොට පොලීසියට සිදුකළ දැනුම්දීම මත සිදුකළ දැනුම්දීම මත සිදුකළ විමර්ශන වලට අනුව දික්කසාද වී සිටි සැමියා පොලීසිය විසින් අත් අඩංගුවට ගෙන හම්බන්තොට මහේස්ත්රාත් අධිකරණයට ඉදිරිපත් කිරීමෙන් පසු පැවැති මූලික නඩු විභාගයෙන් අනතුරුව නීතිපතිවරයා විසින් චූදිතට එරෙහිව අධි චෝදනා දෙකක් යටතේ හම්බන්තොට මහාධිකරණය හමුවේ නඩු පවරන ලදී.
ඒ අනුව නඩු විභාගය ආරම්භයේදීම අධිකරණ කාලය මිඩංගු නොකර අදාළ චෝදනා සඳහා චූදිත වරද පිළිගැනීම හේතුවෙන් මහාධිකරණ විනිසුරුවරයා චූදිතට දඬුවම් නියම කෙරුණි.
ඒ අනුව චෝදනා දෙක සඳහා චූදිතට වසර දෙකක බරපතළ වැඩ සහිත සිර දඬුවමක් නියම කළ අතර එය වසර 10 ක කාලයක් සඳහා අත් හිටවන ලදී.
ඊට අමතරව චෝදනා දෙක සඳහා රුපියල් 15000 ක දඩ මුදලක්ද නියම කෙරුණු අතර චූදිත දඩ නොගෙවන්නේ නම් මාස 17ක බරපතළ වැඩ සහිත සිර දඬුවමක්ද නියම කෙරුණි.
එමෙන්ම අගතියට පත් හිටපු බිරියට රුපියල් ලක්ෂ 12ක වන්දි මුදලක්ද ගෙවන ලෙසට මහාධිකරණ විනිසුරුවරයා චූදිතට නියම කළ අතර චූදිත එය නොගෙවන්නේ නම් ඉහත දඬුවම ඉහත දඬුවම් වලට අමතරව වසර පහක බරපතළ වැඩ සහිත සිර දඬුවමක් නියම කෙරුණි.
2024 සැප්තැම්බර් මස 08 වන ඉරිදා දින කාලගුණ වාර්තාව මෙලෙස සයහන්ව තිබුණා. බස්නාහිර, සබරගමුව සහ…
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…
ඉතිහාසයේ පළමු වරට ශ්රී ලංකා රේගු දෙපාර්තමේන්තුව 2024 වසරේ මේ දක්වා රුපියල් ට්රිලියනයක රේගු ආදායමක්…
යුරෝපා නේෂන්ස් කුසලාන පාපන්දු තරගාවලියේ ක්රොඒෂියාව සමඟ පැවැති තරගයේදී රොනාල්ඩෝ රැස්කළ සුපිරි ගෝලයත් සමග පාපන්දු…