රාජ්‍ය පොසොන් උත්සවයට සමගාමීව ප්‍රකාශයට පත් කර ඇති සතිය තුළ එනම් එළඹෙන මැයි 31 සිට ජුනි 6 වැනිදා දක්වා කාලය තුළ අනුරාධපුර දිස්ත්‍රික්කයේ පිහිටි සියලු ම සුරාබදු බලපත්‍ර ලත් ස්ථාන හෙවත් මත්පැන් හල් (බාර්) වසා තැබීමට සුරාබදු කොමසාරිස් ජනරාල්වරයා විසින් නියෝග කර තිබෙනවා.
මේ අතර පොසොන් පොහොය යෙදෙන ජුනි මස 03 වැනි දා දිවයින පුරා පිහිටි සියලුම මත්පැන් හල් සහ මත්පැන් විකිණීම සඳහා වූ සුරාබදු බලපත්‍ර ලත් සියලුම ස්ථාන වසා තබන බවත් සුරාබදු දෙපාර්තමේන්තුව පවසනවා.
ඒ අනුව එම දිනයන්හි දී එම ස්ථාන වසා තැබීමට කටයුතු නොකරන හෝ බලපත්‍ර කොන්දේසි කඩ කරනු ලබන යම් සුරාබදු බලපත්‍රලත් ස්ථානයක් වෙතොත් ඒ සම්බන්ධයෙන් දැඩිව නීතිය ක්‍රියාත්මක කරන ලෙස ද සුරාබදු දෙපාර්තමේන්තුව නිවේදනය කරනවා.
