මේ වන විට තම ජීවිත ආරක්ෂාවට තර්ජනයක් ද එල්ල වී ඇති බව බුද්ධි අංශ වාර්තා කර ඇතැයි මහජන ආරක්ෂක අමාත්‍ය ටිරාන් අලස් සඳහන් කරයි.
ඔහු මේ බව කියා සිටියේ මහජන ආරක්ෂක අමාත්‍යංශයේ පැවති මාධ්‍ය හමුවකට එක් වෙමිනි.
තමන් තනතුරේ රැඳී සිටින තුරු මත්ද්‍රව්‍ය සහ පාතාලය නැති කර දැමීමට කටයුතු කරන බවත් තමන් තනතුර භාර ගෙන ඇත්තේ වැඩ කිරීමට බවත් හෙතෙම කියා සිටියේය.
මෙවන් තර්ජන හමුවේ තමන් තවත් අඩියක් ඉදිරියට තබනු මිසක් පසුපසට නොතබන බවද ඔහු තවදුරටත් එහිදී පැවසීය.