YouTube වැඩසටහනක් හරහා තමා අපකීර්තියට ලක් කළා යැයි චෝදනා කරමින් විපක්ෂ නායක බිරිය ජලනි ප්‍රේමදාස විසින් චමුදිත සමරවික්‍රමගෙන් රුපියල් බිලියනයක් ඉල්ලමින් එන්තරවාසියක් යොමු කර ඇත.
කීර්ති රත්නායක සමඟ ‘Truth With Chamuditha’ නැමැති YouTube නාලිකාවේ පැවැත්වූ සම්මුඛ සාකච්ඡාවකදී ජලනි ප්‍රේමදාස සම්බන්ධයෙන් වැරදි / අසත්‍ය ප්‍රකාශ සිදු කරමින් ඇය අපකීර්තියට ලක් කිරීම සම්බන්ධයෙන් නීතිඥ දිමුතු කුරුප්පුආරච්චි සිය සේවාදායිකාව වෙනුවෙන් මෙම එන්තරවාසිය යොමු කර ඇත.
යූටියුබ් නාලිකාවේ ජලනි ප්‍රේමදාස සම්බන්ධයෙන් ඇතුළත් වැරදි, අපහාසත්මක ප්‍රකාශ විකාශනය කිරීම නවතා ඇගෙන් පොදු සමාවක් ලබා ගත යුතු යැයි එහි සඳහන් ය.
එලෙසම ඊට අසමත් වන්නේ නම් දින 14ක් ඇතුළත රුපියල් බිලියනයක මුදලක් බැංකුවේ තැන්පත් කොට ඊට අදාළ රිසිට් පත ලියාපදිංචි තැපෑලෙන්, විද්‍යුත් තැපෑලෙන් හෝ වට්ස්ඇප් හරහා යොමු කරන ලෙස ද නීතිඥවරයා සිය එන්තරවාසියෙන් දැනුවත් කර තිබේ.
සිවිල් හා අපරාධ යන දෙඅංශයෙන්ම ක්‍රියාමාර්ග ගන්නා ලෙස සේවාදායිකාව දැනුම් දී ඇතැයි ද එහි වැඩිදුරටත් සඳහන් කර ඇත
අනේ පලයන් හු…. යන්න. මේයාගෙ මොකක්ද තියෙන ප්රතිරූපය ආරක්ෂා කොරන්න??