කැනේඩියානු මහ කොමසාරිස් එරික් වොල්ෂ් විදේශ කටයුතු අමාත්යංශයට කැඳවූ විදේශ කටයුතු අමාත්ය අලි සබ්රි, කැනේඩියානු අග්රාමාත්ය ජස්ටින් ටෘඩෝ 2023 මැයි 18 වැනි දින දෙමළ ජන සංහාරයක් පිලිබදව කළ ප්රකාශය මුළුමනින්ම හෙළා දැක ප්රතික්ෂේප කළබව විදේශ අමාත්යාංශය පවසයි .
දේශපාලන නැඹුරුවක් සහිත මෙම ප්රකාශය මතභේදාත්මක ප්රකාශයක් බවත්, එය කැනඩාවේ අභ්යන්තර දේශපාලන අවශ්යතා සඳහා නිකුත් කළ එකක් බවත් අමාත්ය අලි සබ්රි සිය විරෝධය දක්වමින් මෙහිදී ප්රකාශ කළේ ය.
එල්ටීටීඊ සංවිධානය දශක තුනකට ආසන්න කාලයක් මුළුල්ලේ මෙහෙයවූ ත්රස්තවාදී යුද ගැටුම මධ්යයේ සිදු වූවා යැයි කියන ‘ජන සංහාරය’ පිළිබඳ ඉදිරිපත්ව ඇති මෙම පදනම් විරහිත චෝදනාව ශ්රී ලංකාව තරයේ ප්රතික්ෂේප කරයි. ශ්රී ලංකා රජය ආර්ථික ස්ථාවරත්වය, සාමය සහ ප්රතිසන්ධානය ස්ථාපිත කිරීම සඳහා කටයුතු කරමින් සිටින මෙම සුවිශේෂී අවස්ථාවේ දී, කැනේඩියානු අග්රාමාත්යවරයා සිදු කළ මෙම ප්රකාශයේ ඇති සාවද්ය සහ පදනම් විරහිත චෝදනා හේතුවෙන් ශ්රී ලාංකිකයන් ධ්රැවීකරණයට ලක් විය හැකි බවද එතුමා මෙහිදී සඳහන් කළේ ය.
මෙම ‘ජන සංහාරය’ ශ්රී ලංකාව විසින් සිදු කරන ලද්දක් බවට පළ වන අත්තනෝමතික හා සාවද්ය චෝදනා මෙහෙයවනු ලබන්නේ, ඩයස්පෝරාවේ සිටින බෙදුම්වාදී න්යාය පත්රයක් සහිත සහ දේශපාලනික වශයෙන් පොළඹවන ලද ශ්රී ලංකා විරෝධී සුළුතරයක් විසින් බවද එතුමා වැඩිදුරටත් අවධාරණය කළේ ය.
කැනඩාවේ දිගුකාලීන ද්විපාර්ශ්වික හවුල්කරුවකු වන ශ්රී ලංකාව, කැනේඩියානු රජයේ සහයෝගය මෙරටට ලබා දෙන ලෙස ඉල්ලා සිටින අතර, අන්තර්ග්රහණීය සංවර්ධනය සහ තිරසාර සාමය පිළිබඳ අපගේ පොදු අරමුණු සාක්ෂාත් කර ගැනීම සඳහා කටයුතු කිරීමේ දී, කැනඩාවේ සිටින ශ්රී ලාංකික සම්භවයක් සහිත ප්රජාව ඒ සඳහා ඵලදායි ලෙස සම්බන්ධ කර ගන්නා අතරතුර, දෙරටේ අන්යෝන්ය සහයෝගීතාව වර්ධනය වන ආකාරයේ සබඳතා පවත්වන ලෙස කැනඩාව දිරිමත් කරයි.
යාපනයේ පෙරියවිලාන් ප්රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්රේණිය ශිෂ්යත්ව විභාගයේ ප්රශ්න පත්රය වට්ස්ඇප් මාධ්ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්රව්ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්රදේශයේ විහාරස්ථානයක වැඩවාසය කරනු ලබන…