වසර 30 ක් පුරා පැවති LTTE ත්‍රස්තවාදය සම්පුර්ණයෙන් අවසන් කර අද දිනට වසර 14ක් සපිරෙනවා.
යාපනයේ නගරාධිපති ධුරයෙ කටයුතු කළ ඇල්ෆ්‍රඩ් දොරෙයියප්පා ඝාතනයෙන් ඇරඹි LLTE ත්‍රස්තවාදී ඝාතන රැල්ල හරහා මෙරටට අහිමි වූ ජිවිත සංඛ්‍යාව ලක්ෂයකට අධිකයි.
බිම් බෝම්බ, මර උගුල් හා මරාගෙන මැරෙන බෝම්බකරුවන් යොදාගනිමින් අහිංසක ජිවිත ගණනනාවක් විනාශ කිරීමට LTTE ත්‍රස්ත සංවිධානය කටයුතු කළා.
හිටපු ජනාධිපති මහින්ද රාජපක්ෂ මහතාගේ පාළන සමයේ එවකට යුධ හමුදාපතිව සිටි ෆීල්ඩ් මාර්ෂල් සරත් ෆොන්සේකා මහතාගේ නායකත්වයෙන් 2006 වසරේ ජූලි මස 26 වනදා රණවිරුවන් විසින් මානුෂිය මෙහෙයුම ආරම්භ කළා.
ඒ මාවිල් ආරු සොරොව්ව මුදාගැනීමත් සමඟයි.
එතැන් පටන් ඇරඹි මානුෂිය මෙහෙයුම අතරතුරදී 2006 වසරේ සැප්තැම්බර් මාසයේදී සාම්පුර් ප්‍රදේශය ත්‍රස්තවාදීන්ගෙන් නිදහස් කර ගැනීමට රණවිරුවන් සමත්වුණා.
අනතුරුව සමස්ථ නැගෙනහිර පළාතම පියවරෙන් පියවර මුදාගත් රණවිරුවන් ත්‍රස්තවාදීන්ගේ ප්‍රධානතම බලකොටුවක් ලෙස සැළකු කිලිනොච්චිය මුදාගනු ලැබුවේ 2009 වසරේ ජනවාරි මස දෙවනිදායි.
අවසන් සටන ආරම්භ වුණේ වෙල්ලමුල්ලිවයික්කාල් ප්‍රදේශයෙන්.
2009 වසරේ මැයි මස 18 වනදා රණවිරුවන් විසින් නන්දිකඩාල් කළපුවේදී වේලුපිල්ලේ ප්‍රභාකරන් ඝාතනය කරමින් 2009 වසරේදී LTTE ත්‍රස්තවාදය සම්පුර්ණයෙන් අවසන් කළා.
යුද්ධයේදී රට වෙනුවෙන් දිවි පිදු ආරක්ෂක අංශ වල සමස්ත රණවිරුවන් සංඛ්‍යාව 28,619 ක්.
යුද හමුදා රණවිරුවන් 23,962 ක්, නාවික හමුදා රණවිරුවන් 1,160 දෙනෙකු හා ගුවන් හමුදා රණවිරුවන් 443 දෙනෙකු යුද්ධයේදී රට වෙනුවෙන් දිවි පුදා තිබෙනවා.
ශ්‍රී ලංකා පොලිසියේ නිලධාරීන් 2,598 දෙනෙකු හා සිවිල් ආරක්ෂක දෙපාර්තමේන්තු රණවිරුවන් 456 දෙනෙකු ද රට වෙනුවෙන් දිවි පිදු රණවිරුවන් අතරට් අයත්.
වීරෝධාර රණවිරුවනි, ඔබට Celon News Factory අපගේ උත්තමාචාරය…