අන්තර් විශ්වවිද්‍යාල ශිෂ්‍ය බල මණ්ඩලය හෙවත් අන්තරේට වසන්ත මුදලිගේ ඉවත්වී නව කැඳවුම්කරුවෙක් පත්වීමට නියමිතයි.
පසුගිය 14(ඉරිදා) අන්තරේ සැසියේදී මේ බව දන්වා ඇත.
මැයි 20 කැලණිය විශ්වවිද්‍යාලයේදී මෙම නව පත්වීමේ අවස්ථාව සිදුකිරීමට සූදානම් කොට ඇත.
රුහුණ, පේරාදෙණිය යන විශ්වවිද්‍යාල මේ ඡන්ද විමසීමේ අවස්ථාවට සම්බන්ධ කර නොගැනීමට තීරණය කර ඇති නමුත් සබරගමුව විශ්වවිද්‍යාලය ඒ සඳහා සම්බන්ධවන බව අන්තරේ ප්‍රකාශකයෙක් අප සමඟ පැවසීය.
පසුගිය කාලයේ අන්තර් විශ්වවිද්‍යාල ශිෂ්‍ය බල මණ්ඩලය ගත් දේශපාලන ක්‍රියාමාර්ග වලට එකඟ නොවීම නිසා එම සරසවි සම්බන්ධ නොකරගැනීමට හේතුවී ඇත. කෙසේ නමුත් ජනතා විමුක්ති පෙරමුණ විසින් සිදුකරන ලද දේශපාලන කුමන්ත්‍රණයක් හේතුවෙන් අදාල සරසවි ඡන්ද විමසීම සඳහා සම්බන්ධ නොවන බව අන්තර් විශ්වවිද්‍යාල ශිෂ්‍ය බල මණ්ඩලයේ පිරිස්වල අදහසයි.
කැලණිය විශ්වවිද්‍යාලයේ ජනිත් ජනජය හෝ විවෘත විශ්වවිද්‍යාලයේ Rifath sparrow (බයිරා) යන ශිෂ්‍ය නායකයින්ගෙන් අයෙකු නව කැඳවුම්කරු වීමට ඉඩඇති බව ආරංචි මාරග පවසයි