මෙරට නර්ථන කලාවට සුවිශේෂී මෙහෙයක් ඉටු කළ ප්‍රවීන නර්ථන ශිල්පී හා රාජ්‍ය සම්මාන ලාභී පද්මිණී දහනායක මහත්මිය අභාවප්‍රාප්ත වුණා. මිය යන විට යන විට ඇය 82 වන වියේ පසුවුනා.
1942 මාර්තු 8 වනදා කොළඹදී උපත ලැබූ පද්මිණී දහනායක මහත්මිය කුඩා කාලයේ සිටම නර්තනයට දැක්වූයේ සුවිශේෂී දක්ෂතාවක්. නිරායාසයෙන්ම ඇය නර්ථන ශිල්පිනියක් බවට පත්වනවා.
සිය ජීවන ගමනෙහි 82 වන විය පසු කරමින් දින ගනනාවක්ගත කරද්දී දැයෙන් සමුගන්නා පද්මිණී දහනායක මෙරටට තවත් නර්ථන ශිල්පීන් රැසක් දායාද කර තිබෙනවා. දශක ගණනාවක් පුරා මෙරටට නර්ථන ක්ෂේත්‍රයට මෙන්ම නර්ථණය හදාරන දරු පරපුරට සුවිශේෂී මෙහෙයක් ඉටු කළ පද්මිනී දහනායක මහත්මිය ස්වාධීන රූපවාහිනී මාධ්‍ය ජාලය සමග ද ඉතා සමීපව කටයුතු කරනු ලැබුනා. ප්‍රවීණ නර්ථන ශිල්පිනී රංගනා ආරියදාසගේ හා ප්‍රවීණ සූපවේදී චන්ද්‍රීන් ආරියදාසගේත් ආදරණීය මෑණියන් වන පද්මිනී දහනායක මහත්මිය එල්.එල් ආරියදාස මහතාගේ ආදරණීය භාරයාවයි. දේහය පිලිබද අවසන් කටයුතු ලබන බ්‍රහස්පතින්දා පස්වරු 5ට බොරුල්ල කන්ත්තේදී සිදු කිරීමට නියමිතයි.
දේහය හෙට උදෑසන 9 සිට මහජන ගෞරවය සදහා ඒ බොරැල්ල ඒ.ෆ් රේමන් මල්ශාලාවේ තැන්පත් කර තැබෙන බවයි පවුලේ ඥාතීන් පවසන්නේ.