දරුවාගේ අත් ඔරලෝසු පළහිලව්වකට මැදිහත් වූ පියෙකු පුද්ගලයින් තිදෙනෙකු විසින් එල්ල කළ පිහි පහරකින් ඊයේ ජීවිතක්ෂයට පත්වී තිබෙනවා.
ලෝක ළමා දිනයේ දී එම දරුවා විසින් පුද්ගලයෙකුගෙන් අත් ඔරලෝසුවක් ආපසු දෙන පදනම යටතේ ලබා ගෙන තිබෙනවා.
එම එම දරුවා අතින් එම ඔරලෝසුව අස්ථානගත වී තිබූ අතර එය සම්බන්ධයෙන් ඔරලෝසු හිමිකරු සහ ඝාතනයට ලක් වූ පුද්ගලයා අතර ඇති වූ බහින්බස් වීමක් දුරදිග යාමෙන් මෙම පහර දීම සිදුකර තිබෙනවා.
මෙම පිහි පාරපාර එල්ල කළ ප්‍රධාන සැකකරු කමාන්ඩෝ කබ්බා නමින් හැඳින්වෙන යුධ හමුදා සෙබළෙලක් වන අතර ඝාතනයට ආධාර අනුබල දුන් බඹරා සහ ඇරියස් යන අන්වර්ත නාම වලින් හැඳින්වෙන තවත් සැකකරුවන් දෙදෙනෙකු පොලීසිය විසින් අත්අඩංගුවට ගෙන තිබෙනවා.