හිටපු අග්‍රාමාත්‍ය මහින්ද රාජපක්ෂ යළිත් වතාවක් අගමැතිවරයා ලෙස දියුණුව දීම සඳහා කටයුතු සූදානම් වෙමින් ඇති බව සමාජ මාධ්‍ය හරහා තොරතුරු හුවමාරු වෙමින් පවතිනවා.
බොහෝ දුරට මහින්ද රාජපක්ෂ ඉදිරි දින දෙක තුන ඇතුලත අගමැති ධුරයේ දිවුරුම් දීමට නියමිතව ඇති බවත් එම ආරංචි මාර්ගවලින් පවසයි.
මේ අතර මහින්ද රාජපක්ෂ අග්‍රාමාත්‍ය කිරීමේ උත්සාහය පරාජය කිරීම සඳහා කොළඹ විරෝධතාවයක් අඟහරුවාදා කොළඹට කැඳවා තිබෙන බවද වාර්තා වේ. ඒ සඳහා නිර්මාණය කරන ලද ප‍්‍රචාරක පත‍්‍රිකා සමාජ ජාලයන්හි මේ වන විටත් හුවමාරු වෙමින් ඇත.
කෙසේවෙතත් කොළඹ ප්‍රධාන මරමස්ථාන වලට පසුගියදා සිට හදිසියේ ආරක්ෂක අංශ කැඳවීම සම්බන්ධව ද සමාජ මාධ්‍ය තුල මහින්ද රාජපක්ෂ අගමැති කිරීමට යැයි මතයක් පැතිරයමින් තිබේ.
ඒ, හිටපු අග්‍රාමාත්‍ය මහින්ද රාජපක්ෂ අද හෝ හෙට දිනයේ යළි අග්‍රාමාත්‍යවරයා ලෙස දිනේෂ් ගුණවර්ධන අගමැති ධූරයෙන් ඉවත්ව දිවුරුම් දෙනවාය යන මතයයි.
කෙසේ නමුත් වාර්තා වන ආකාරය අනුව දිනේෂ් ගුණවර්ධන අගමැති තනතුරෙන් ඉවත් වීම ද ප්‍රතික්ෂේප කර තිබෙනවා. ජනාධිපති රනිල් වික්‍රමසිංහ ප්‍රකාශ කොට ඇත්තේ දිනේෂ් ගුණවර්ධන ප්‍රමුඛ ආණ්ඩු පක්ෂය මේ සඳහා කැමති කරවාගන්නා ලෙසයි.
මේ අතර මහින්ද රාජපක්ෂ මහතා යළි අග්‍රාමාත්‍ය ධුරයට පත්කිරීම ගැටලුවක් නොවන බව සමගි ජනබලවේගයේ පාර්ලිමේන්තු මන්ත්‍රී මනෝ ගනේෂන් ද පවසා තිබේ.
නමුත් කිසිවෙකු නිලවශයෙන් මේ සම්බන්ධව දැනුම් දීමක් සිදු කර නොමැත.