උඩරට දුම්රිය මාර්ගයේ හැටන් සහ නානුඔය අතර දුම්රිය ගමනාගමනය මේ වන විටත් යථා තත්ත්වයට පත්ව නොමැති බව වාර්තා වනවා.
දුම්රිය දෙපාර්තමේන්තුව සඳහන් කළේ එම දුම්රිය මාර්ගයේ ග්‍රේට් වෙස්ටන් සහ වටගොඩ දුම්රිය ස්ථාන අතර දී දුම්රිය පීලිපැනීමක් හේතුවෙන් ඊයේ (12) පස්වරුවේ සිට එහි දුම්රිය ගමනාගමනයට බධා එල්ල වූ බවයි.
පීලි පැනීමට ලක්වූ දුම්රිය මේ වන විටත් පීලිගත කර නොමැති බවයි වාර්තා වන්නේ.
මේ හේතුවෙන් කොළඹ සිට ගමන් ගන්නා දුම්රිය හැටන් දක්වාත් බදුල්ල සිට ගමන් ගන්නා දුම්රිය නානුඔය දක්වාත් සීමාකර තිබෙනවා.
එම දුම්රිය ස්ථාන අතර මඟින් බස් රථ මාර්ගයෙන් ප්‍රවාහන කටයුතු සිදු කරන බවයි එම දෙපාර්තමේන්තුව සඳහන් කළේ.