කළුතර නගරයේ නවාතැන්පොලක පස් මහල් ගොඩනැගිල්ලකින් අහිරහස් ලෙස ඇඳ වැටී මියගිය 16 හැවිරිදි පාසල් සිසුවියගේ මරණය සම්බන්ධයෙන් පරීක්ෂණ කටයුතු අපරාධ පරීක්ෂණ දෙපාර්තමේන්තුව වෙත භාර දී තිබෙනවා.
පසුගිය 06 වනදා අදාළ දැරිය දකුණු කළුතර පිහිටි හෝටලයක පස් මහලෙන් ඇඳ වැටි තිබුණා.
මෙම අභිරහස් මරණ සම්බන්ධව සිසුවියව හෝටලයට රැගෙන ගිය බවට පැවසෙන 29 හැවිරිදි විවාහක පුද්ගලයා මේ වන විට අත්අඩංගුවට ගෙන රඳවා ගැනීමේ නියෝග මත ප්‍රශ්ණ කිරීම් සිදු කරනු ලබනවා.
ඊට අමතරව ලැඟුම්හලේ හිමිකරුගේ බිරිඳ සහ දැරියව හෝටලයට රැගෙන යාමට උදව් උපකාර කළ බවට පැවසෙන තරුණයා සහ තරුණිය රිමාන්ඩ් භාරයට පත් කර තිබෙනවා.
අපරාධ පරීක්ෂණ දෙපාර්තමේන්තුවේ විශේෂ පොලිස් කණ්ඩායමක් ඊයේ (11) සවස දැරියගේ නිවසට ගොස් පරීක්ෂණ ආරම්භ කළේ පොලිස්පති සි ඩි වික්‍රමරත්න මහතාගේ උපදෙස් මතයි.
මේ අනුව දැරියගේ මවගෙන් සහ තවත් කිහිපදෙනෙක්ගෙන් ප්‍රකාශ ලබාගෙන ඇති බවයි වාර්තා වන්නේ.