දරුවෙකුට මත්ද්‍රව්‍ය දී සිඟමනේ යෙදවූ කාන්තාවක් අත්අඩංගුවට
ඔබේසේකරපුර කොලොන්නාව දෙසට යන මාර්ගයේ කාන්තාවක විසින් දරුවෙකු සිඟමනේ යොදවා ඇති බවට ලද ආරංචියකට අනුව වැලිකඩ පොලීසිය පසුගිය 9 වනදා එහි සෝදිසියක් සිදු කළේය.
එහිදී සිඟමනේ යෙදෙමින් සිටි 11 හැවිරිදි දරුවෙක් පොලිස් භාරයට ගනු ලැබීය.
දරුවාගෙන් සිදු කළ ප්‍රශ්න කිරීම්වලදී හෙළි වී ඇත්තේ අඹේපුස්ස ප්‍රදේශයේ ළමා නිවාසයක රැදී සිටියදී නිලූකා ප්‍රියදර්ශනී නමැති කාන්තාවක් මෙම දරුවා එතැනින් රැගෙන විත් ඇයගේ පුත්‍රයා සමග සිඟමනේ යොදවා ඇති බවය.
එසේම මෙම දරුවාට හෙරොයින් මත්ද්‍රව්‍ය පානය කිරීමට දී මෙසේ සිඟමනේ රැගෙන යන බවද පොලීසිය අනාවරණය කරගෙන තිබේ.
දරුවාගේ කටේ, දෙතොල්වල, වම් කකුලේ දණහිසට ඉහළින් සහ කකුල් දෙකේ මහපට ඇඟිලිවල පිළිස්සුම් තුවාල ඇති ආකාරය ද පොලීසියට නිරීක්ෂණය වී තිබේ.
ඒ අනුව ප්‍රතිකාර ලබාදීමෙන් පසුව දරුවාගෙන් ප්‍රකාශ සටහන් කරගැනීමට නියමිතය.
මෙම දරුවා පැහැර ගැනීමට කටයුතු කළ සහ දරුවාට මත්ද්‍රව්‍ය පානය කිරීමට දී සිඟමනේ යෙදවූ බව කියන පෑලියගොඩ නුගේ පාරේ පදිංචි නිලූකා ප්‍රියදර්ශනී නමැති කාන්තාව අත්අඩංගුවට ගෙන අධිකරණයට ඉදිරිපත් කිරීමෙන් පසු මැයි 22 වනදා දක්වා රක්ෂිත බන්ධනාගාර ගත කරනු ලැබීය.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්‍රදේශවල…
අධ්‍යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්‍රේණිය ශිෂ්‍යත්ව විභාග සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්‍රී ලංකා කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන පළමු…
පොළොන්නරුව බකමූණ ප්‍රදේශයේ ප්‍රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්‍ය වූ එහි සේවක සේවිකාවන්…
හිටපු සෞඛ්‍ය අමාත්‍යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…