ගෝල්ෆේස් අරගලයේ සහ සමාජ මාධ්‍ය ක්‍රියාකාරිකයකු වන පියත් නිකේෂල අද සවස පහරදීමකට ලක් වී ඇත.
ඔහු පවසන ආකාරයට මන්නයක් ඇතුළු තියුණු ආයුධ ප්‍රහාරය සඳහා යොදාගෙන ඇති අතර ඉන් ඔහු ගමන්ගත් මෝටර් රථයට ද දැඩි අලාභ හානි සිදු කර ඇත.
පසුගිය වසරේ මැයි 09 වන දා එල්ල වූ ප්‍රහාරයෙන් අනතුරුව බේරේ වැවට ඇද දමන ලද කඩුවෙල උප නගරාධිපතිවරයාගේ වීඩියෝවක් සමාජ මාධ්‍ය තුළ පළ කිරීම හේතුවෙන් මෙසේ තමාට පහර දුන් බවද ඔහු වැඩි දුරටත් සඳහන් කර සිටියි.තවද කඩුවෙල උප නගරාධිපති චන්දික අබේරත්න ඇතුළු පිරිසක් මෙම ප්‍රහාරයට සහභාගී වූ බවද ඔහු ප්‍රකාශ කර සිටියි.
ප්‍රහාරයෙන් තුවාල ලැබූ පියත් නිකේෂල මේ වන විට කොළඹ ජාතික රෝහලේ ප්‍රතිකාර ලබාගනිමින් සිටින බව වාර්තා වේ.
