අධ්‍යයන පොදු සහතික පත්‍ර උසස් පෙළ විභාගයේ පිළිතුරු පත්‍ර ඇගයීමේ කටයුතු මෙම සතියේ දී සාමාන්‍ය තත්ත්වයට පත්වනු ඇති බවට විශ්වවිද්‍යාල ආචාර්යවරුන්ගේ සමිති සම්මේලනය පවසනවා.
ඒ අනුව එක් එක් විෂයන් හි පිළිතුරු පත්‍ර ඇගයීමේ කටයුතු සඳහා අවශ්‍ය විශ්ව විද්‍යාල ආචාර්යවරුන්ට විභාග දෙපාර්තමේන්තුව විසින් මෙම දැනුම් දීම සිදුකර ඇති බවයි වාර්තා වන්නේ.
කෙසේ වෙතත් අධ්‍යයන පොදු සහතික පත්‍ර උසස් පෙළ විභාගයේ පිළිතුරු පත්‍ර ඇගයීමේ කාර්යය සඳහා අවශ්‍ය වන විශ්ව විද්‍යාල ගුරුවරුන් විභාග දෙපාර්තමේන්තුවේ සම්බන්ධීකරණය හරහා අදාළ කටයුතු මේ වන විට සිදුකරමින් පවතින බව එම සම්මේලනය පවසනවා.
මේ අනුව මෙම සතියේ දී උසස් පෙළ විභාගයේ පිළිතුරු පත්‍ර ඇගයීමේ කටයුතු සාමාන්‍යකරණයට පත්වෙනු ඇති.
රජයේ නව බදු ප්‍රතිපත්තියට විරෝධය පළ කරමින් විශ්වවිද්‍යාල ආචාර්යවරු පසුගිය මාර්තු 9වන දා සිට වැඩ වර්ජනයක නිරත වු අතර මේ හේතුවෙන් පෙබරවාරී 22වන දා සිට ආරම්භ කිරීමට නියමිතව තිබූ 2022 අධ්‍යයන පොදු සහතික පත්‍ර උසස් පෙළ විභාගයේ පිළිතුරු පත්‍ර ඇගයීමේ කටයුතුවලට බාධා පැමිණියා.
කෙසේ වෙතත් ඔවුන්ගේ ක්‍රියා කලාපයට දෙමාපියන්ගෙන් සහ පක්ෂ විපක්ෂ දේශපාලන නියෝජිතයින්ගේ ද දැඩි විරෝධයක් පළවුණා.