කුරුණෑගල දිස්ත්‍රික් පාර්ලිමේන්තු මන්ත්‍රී ජයරත්න හේරත් මහතා ගමන් ගත් ඩිෆෙන්ඩර් ජීප් රථය වාරියපොළ දී කුඩා ප්‍රමාණයේ ලොරි රථයක ගැටී තිබෙනවා.
අනතුරෙන් ලොරි රථයේ රියදුරා සහ එහි සිටි පුද්ගලයන් 5 දෙනෙක් තුවාල ලබා ඇති බවයි වාර්තා වන්නේ.
වාරියපොළ පොලීසිය කියා සිටියේ මෙම අනතුරෙන් මන්ත්‍රීවරයාට කිසිඳු හානියක් නොමැති බවයි.
මෙම අනතුරෙන් ජීප් රථය පැදවූ 67 හැවිරිදි රියදුරා ද තුවාල ලබා දී තිබෙනවා.
පෞද්ගලික බැංකුව ඉදිරිපිට නතර කර තිබූ කුඩා ප්‍රමාණයේ ලොරි රථය එකවරම මාර්ගයට ගැනීමට යාමේදී මෙම අනතුරව සිදුවී ඇති බව මුලික පරීක්ෂණවලින් අනාවරණය ඇති බව සඳහන්.
අනතුර සම්බන්ධයෙන් වාරියපොළ පොලීසිය වැඩිදුර පරීක්ෂණ සිදු කරනු ලබනවා.