ඉදිරියේ QR කේතයට අනුව ඉන්ධන නිකුත් කිරීම නවතන බව ජනාධිපති කාර්ය මණ්ඩල ප්‍රධානී සාගල රත්නායක පවසනවා.
ඔහු මේ බව කියා සිටියේ එක්සත් ජාතික පක්ෂ මැයි දින රැලියට එක්වෙමින්. ඊට අමතරව ගෑස් මිල තවත් දින කිහිපයකින් පහත දැමීමට හැකිවන බවයි ඒ මහතා සඳහන් කළේ.
කාර්ය මණ්ඩල ප්‍රධානීවරයා පෙන්වා දෙන්නේ මෙරට ආර්ථිකය ශක්තිමත් වීම හේතුවෙන් මෙම තීරණ ගැනීමට නියමිත බවයි.
තවද පවතින ආනයන සීමා ද ලිහිල් කිරීමට ද සැලසුම් කර ඇති බවද ඔහු කියා සිටියා. වැඩිදුරටත් අදහස් දක්වමින් ඒ මහතා සඳහන් කළේ සියයට 70ක්ව පැවති උද්ධමනය මේ වනවිට සියයට 35 මට්ටමට පැමිණ ඇති බවත් එය මේ වසර අවසන් වනවිට එය තනි ඉලක්කමක් දක්වා ගෙන ඒමට බලාපොරොත්තු වන බවත්ය.